1 Kings 22

וַיֵּשְׁב֖וּ שָׁלֹ֣שׁ שָׁנִ֑ים אֵ֚ין מִלְחָמָ֔ה בֵּ֥ין אֲרָ֖ם וּבֵ֥ין יִשְׂרָאֵֽל

and to dwell · three · years · nothing · battle · between · Aram · and between · Israel

LXX Septuagint runs longer here

וַיְהִ֖י בַּשָּׁנָ֣ה הַשְּׁלִישִׁ֑ית וַיֵּ֛רֶד יְהוֹשָׁפָ֥ט מֶֽלֶךְ יְהוּדָ֖ה אֶל מֶ֥לֶךְ יִשְׂרָאֵֽל

and to be · in/at the year · the third · and to go down · Jehoshaphat · king of · Judah · to · king of · Israel

וַיֹּ֤אמֶר מֶֽלֶךְ יִשְׂרָאֵל֙ אֶל עֲבָדָ֔יו הַיְדַעְתֶּ֕ם כִּֽי לָ֖נוּ רָמֹ֣ת גִּלְעָ֑ד וַאֲנַ֣חְנוּ מַחְשִׁ֔ים מִקַּ֣חַת אֹתָ֔הּ מִיַּ֖ד מֶ֥לֶךְ אֲרָֽם

and to say · king of · Israel · to · servants his · to know · that · to/for us · Ramoth · Gilead · and we · being silent · from to take · - her · from hand of · king of · Aram

וַיֹּ֨אמֶר֙ אֶל יְה֣וֹשָׁפָ֔ט הֲתֵלֵ֥ךְ אִתִּ֛י לַמִּלְחָמָ֖ה רָמֹ֣ת גִּלְעָ֑ד וַיֹּ֤אמֶר יְהֽוֹשָׁפָט֙ אֶל מֶ֣לֶךְ יִשְׂרָאֵ֔ל כָּמ֧וֹנִי כָמ֛וֹךָ כְּעַמִּ֥י כְעַמֶּ֖ךָ כְּסוּסַ֥י כְּסוּסֶֽיךָ

and to say · to · Jehoshaphat · to walk · with me · to/for the battle · Ramoth · Gilead · and to say · Jehoshaphat · to · king of · Israel · like me · like you · like/as people my · like/as people your · like/as horses my · like/as horses your

LXX Septuagint runs shorter here

וַיֹּ֥אמֶר יְהוֹשָׁפָ֖ט אֶל מֶ֣לֶךְ יִשְׂרָאֵ֑ל דְּרָשׁ נָ֥א כַיּ֖וֹם אֶת דְּבַ֥ר יְהוָֽה

and to say · Jehoshaphat · to · king of · Israel · seek · please · like/as the day · - · word of · LORD

LXX Septuagint runs longer here

וַיִּקְבֹּ֨ץ מֶֽלֶךְ יִשְׂרָאֵ֥ל אֶֽת הַנְּבִיאִים֮ כְּאַרְבַּ֣ע מֵא֣וֹת אִישׁ֒ וַיֹּ֣אמֶר אֲלֵהֶ֗ם הַאֵלֵ֞ךְ עַל רָמֹ֥ת גִּלְעָ֛ד לַמִּלְחָמָ֖ה אִם אֶחְדָּ֑ל וַיֹּאמְר֣וּ עֲלֵ֔ה וְיִתֵּ֥ן אֲדֹנָ֖י בְּיַ֥ד הַמֶּֽלֶךְ

and to gather · king of · Israel · - · the prophets · like/as four · hundred · man · and to say · to them · to walk · upon · Ramoth · Gilead · to/for the battle · if · to cease · and to say · go up · and to give · Lord my · in/at hand of · the king

וַיֹּ֨אמֶר֙ יְה֣וֹשָׁפָ֔ט הַאֵ֨ין פֹּ֥ה נָבִ֛יא לַיהוָ֖ה ע֑וֹד וְנִדְרְשָׁ֖ה מֵאוֹתֽוֹ

and to say · Jehoshaphat · nothing · here · prophet · to/for LORD · still · and to seek · from - him

LXX Septuagint runs longer here

וַיֹּ֣אמֶר מֶֽלֶךְ יִשְׂרָאֵ֣ל אֶֽל יְהוֹשָׁפָ֡ט ע֣וֹד אִישׁ אֶחָ֡ד לִדְרֹשׁ֩ אֶת יְהוָ֨ה מֵאֹת֜וֹ וַאֲנִ֣י שְׂנֵאתִ֗יו כִּ֠י לֹֽא יִתְנַבֵּ֨א עָלַ֥י טוֹב֙ כִּ֣י אִם רָ֔ע מִיכָ֖יְהוּ בֶּן יִמְלָ֑ה וַיֹּ֨אמֶר֙ יְה֣וֹשָׁפָ֔ט אַל יֹאמַ֥ר הַמֶּ֖לֶךְ כֵּֽן

and to say · king of · Israel · to · Jehoshaphat · still · man · one · to seek · - · LORD · from - him · and I · to hate him · that · not · to prophesy · upon me · good · that · if · evil · Micaiah · son of · Imlah · and to say · Jehoshaphat · not · to say · the king · thus

וַיִּקְרָא֙ מֶ֣לֶךְ יִשְׂרָאֵ֔ל אֶל סָרִ֖יס אֶחָ֑ד וַיֹּ֕אמֶר מַהֲרָ֖ה מִיכָ֥יְהוּ בֶן יִמְלָֽה

and to call · king of · Israel · to · eunuch · one · and to say · hasten toward · Micaiah · son of · Imlah

וּמֶ֣לֶךְ יִשְׂרָאֵ֡ל וִֽיהוֹשָׁפָ֣ט מֶֽלֶךְ יְהוּדָ֡ה יֹשְׁבִים֩ אִ֨ישׁ עַל כִּסְא֜וֹ מְלֻבָּשִׁ֤ים בְּגָדִים֙ בְּגֹ֔רֶן פֶּ֖תַח שַׁ֣עַר שֹׁמְר֑וֹן וְכָ֨ל הַנְּבִיאִ֔ים מִֽתְנַבְּאִ֖ים לִפְנֵיהֶֽם

and king of · Israel · and Jehoshaphat · king of · Judah · dwelling · man · upon · throne his · clothed · garments · in/at threshing floor of · doorway of · gate of · Samaria · and all of · the prophets · prophesying · to/for face(s) their

LXX Septuagint runs shorter here

וַיַּ֥עַשׂ ל֛וֹ צִדְקִיָּ֥ה בֶֽן כְּנַעֲנָ֖ה קַרְנֵ֣י בַרְזֶ֑ל וַיֹּ֨אמֶר֙ כֹּֽה אָמַ֣ר יְהוָ֔ה בְּאֵ֛לֶּה תְּנַגַּ֥ח אֶת אֲרָ֖ם עַד כַּלֹּתָֽם

and to do · to/for him · Zedekiah · son of · Chenaanah · horns of · iron · and to say · thus · to say · LORD · in/at these · to gore · - · Aram · until · to finish them

וְכָל הַנְּבִאִ֔ים נִבְּאִ֥ים כֵּ֖ן לֵאמֹ֑ר עֲלֵ֞ה רָמֹ֤ת גִּלְעָד֙ וְהַצְלַ֔ח וְנָתַ֥ן יְהוָ֖ה בְּיַ֥ד הַמֶּֽלֶךְ

and all of · the prophets · prophesying · thus · to say · go up · Ramoth · Gilead · and prosper · and to give · LORD · in/at hand of · the king

LXX Septuagint runs longer here

וְהַמַּלְאָ֞ךְ אֲשֶׁר הָלַ֣ךְ לִקְרֹ֣א מִיכָ֗יְהוּ דִּבֶּ֤ר אֵלָיו֙ לֵאמֹ֔ר הִנֵּה נָ֞א דִּבְרֵ֧י הַנְּבִיאִ֛ים פֶּֽה אֶחָ֥ד ט֖וֹב אֶל הַמֶּ֑לֶךְ יְהִֽי נָ֣א דבריך דְבָרְךָ֗ כִּדְבַ֛ר אַחַ֥ד מֵהֶ֖ם וְדִבַּ֥רְתָּ טּֽוֹב

and the messenger · which · to walk · to call · Micaiah · to speak · to him · to say · behold · please · words of · the prophets · mouth · one · good · to · the king · to be · please · words your · word your · like/as word of · one · from them · and to speak · good

וַיֹּ֖אמֶר מִיכָ֑יְהוּ חַי יְהוָ֕ה כִּ֠י אֶת אֲשֶׁ֨ר יֹאמַ֧ר יְהוָ֛ה אֵלַ֖י אֹת֥וֹ אֲדַבֵּֽר

and to say · Micaiah · living · LORD · that · - · which · to say · LORD · to me · - him · to speak

וַיָּבוֹא֮ אֶל הַמֶּלֶךְ֒ וַיֹּ֨אמֶר הַמֶּ֜לֶךְ אֵלָ֗יו מִיכָ֨יְהוּ֙ הֲנֵלֵ֞ךְ אֶל רָמֹ֥ת גִּלְעָ֛ד לַמִּלְחָמָ֖ה אִם נֶחְדָּ֑ל וַיֹּ֤אמֶר אֵלָיו֙ עֲלֵ֣ה וְהַצְלַ֔ח וְנָתַ֥ן יְהוָ֖ה בְּיַ֥ד הַמֶּֽלֶךְ

and to enter · to · the king · and to say · the king · to him · Micaiah · to walk · to · Ramoth · Gilead · to/for the battle · if · to cease · and to say · to him · go up · and prosper · and to give · LORD · in/at hand of · the king

וַיֹּ֤אמֶר אֵלָיו֙ הַמֶּ֔לֶךְ עַד כַּמֶּ֥ה פְעָמִ֖ים אֲנִ֣י מַשְׁבִּעֶ֑ךָ אֲ֠שֶׁר לֹֽא תְדַבֵּ֥ר אֵלַ֛י רַק אֱמֶ֖ת בְּשֵׁ֥ם יְהוָֽה

and to say · to him · the king · until · like/as what · times · I · swearing you · which · not · to speak · to me · only · faithfulness · in/at name of · LORD

וַיֹּ֗אמֶר רָאִ֤יתִי אֶת כָּל יִשְׂרָאֵל֙ נְפֹצִ֣ים אֶל הֶהָרִ֔ים כַּצֹּ֕אן אֲשֶׁ֥ר אֵין לָהֶ֖ם רֹעֶ֑ה וַיֹּ֤אמֶר יְהוָה֙ לֹֽא אֲדֹנִ֣ים לָאֵ֔לֶּה יָשׁ֥וּבוּ אִישׁ לְבֵית֖וֹ בְּשָׁלֽוֹם

and to say · to see · - · all of · Israel · scattered · to · the mountains · like/as the flock · which · nothing · to/for them · shepherding · and to say · LORD · not · lords · to/for these · to return · man · to/for house his · in/at peace

וַיֹּ֥אמֶר מֶֽלֶךְ יִשְׂרָאֵ֖ל אֶל יְהוֹשָׁפָ֑ט הֲלוֹא֙ אָמַ֣רְתִּי אֵלֶ֔יךָ לֽוֹא יִתְנַבֵּ֥א עָלַ֛י ט֖וֹב כִּ֥י אִם רָֽע

and to say · king of · Israel · to · Jehoshaphat · not · to say · to you · not · to prophesy · upon me · good · that · if · evil

LXX Septuagint runs longer here

וַיֹּ֕אמֶר לָכֵ֖ן שְׁמַ֣ע דְּבַר יְהוָ֑ה רָאִ֤יתִי אֶת יְהוָה֙ יֹשֵׁ֣ב עַל כִּסְא֔וֹ וְכָל צְבָ֤א הַשָּׁמַ֨יִם֙ עֹמֵ֣ד עָלָ֔יו מִימִינ֖וֹ וּמִשְּׂמֹאלֽוֹ

and to say · to/for thus · hear · word of · LORD · to see · - · LORD · dwelling · upon · throne his · and all of · army of · the heaven(s) · standing · upon him · from right hand his · and from left his

וַיֹּ֣אמֶר יְהוָ֗ה מִ֤י יְפַתֶּה֙ אֶת אַחְאָ֔ב וְיַ֕עַל וְיִפֹּ֖ל בְּרָמֹ֣ת גִּלְעָ֑ד וַיֹּ֤אמֶר זֶה֙ בְּכֹ֔ה וְזֶ֥ה אֹמֵ֖ר בְּכֹֽה

and to say · LORD · who · to deceive · - · Ahab · and to go up · and to fall · in/at Ramoth · Gilead · and to say · this · in/at thus · and this · saying · in/at thus

וַיֵּצֵ֣א הָר֗וּחַ וַֽיַּעֲמֹד֙ לִפְנֵ֣י יְהוָ֔ה וַיֹּ֖אמֶר אֲנִ֣י אֲפַתֶּ֑נּוּ

and to go out · the spirit · and to stand · to/for face(s) of · LORD · and to say · I · to deceive us

וַיֹּ֧אמֶר יְהוָ֛ה אֵלָ֖יו בַּמָּֽה וַיֹּ֗אמֶר אֵצֵא֙ וְהָיִ֨יתִי֙ ר֣וּחַ שֶׁ֔קֶר בְּפִ֖י כָּל נְבִיאָ֑יו וַיֹּ֗אמֶר תְּפַתֶּה֙ וְגַם תּוּכָ֔ל צֵ֖א וַעֲשֵׂה כֵֽן

and to say · LORD · to him · in/at what · and to say · to go out · and to be · spirit of · lie · in/at mouth of · all of · prophets his · and to say · to deceive · and also · to prevail · go out · and do · thus

וְעַתָּ֗ה הִנֵּ֨ה נָתַ֤ן יְהוָה֙ ר֣וּחַ שֶׁ֔קֶר בְּפִ֖י כָּל נְבִיאֶ֣יךָ אֵ֑לֶּה וַֽיהוָ֔ה דִּבֶּ֥ר עָלֶ֖יךָ רָעָֽה

and now · behold · to give · LORD · spirit of · lie · in/at mouth of · all of · prophets your · these · and LORD · to speak · upon you · evil

וַיִּגַּשׁ֙ צִדְקִיָּ֣הוּ בֶֽן כְּנַעֲנָ֔ה וַיַּכֶּ֥ה אֶת מִיכָ֖יְהוּ עַל הַלֶּ֑חִי וַיֹּ֕אמֶר אֵי זֶ֨ה עָבַ֧ר רֽוּחַ יְהוָ֛ה מֵאִתִּ֖י לְדַבֵּ֥ר אוֹתָֽךְ

and to approach · Zedekiah · son of · Chenaanah · and to strike · - · Micaiah · upon · the jaw · and to say · where · this · to pass over · spirit of · LORD · from with me · to speak · - you

וַיֹּ֣אמֶר מִיכָ֔יְהוּ הִנְּךָ֥ רֹאֶ֖ה בַּיּ֣וֹם הַה֑וּא אֲשֶׁ֥ר תָּבֹ֛א חֶ֥דֶר בְּחֶ֖דֶר לְהֵחָבֵֽה

and to say · Micaiah · behold you · seeing · in/at the day · the he · which · to enter · chamber · in/at chamber · to hide

וַיֹּ֨אמֶר֙ מֶ֣לֶךְ יִשְׂרָאֵ֔ל קַ֚ח אֶת מִיכָ֔יְהוּ וַהֲשִׁיבֵ֖הוּ אֶל אָמֹ֣ן שַׂר הָעִ֑יר וְאֶל יוֹאָ֖שׁ בֶּן הַמֶּֽלֶךְ

and to say · king of · Israel · take · - · Micaiah · and return him · to · Amon · prince of · the city · and to · Joash · son of · the king

וְאָמַרְתָּ֗ כֹּ֚ה אָמַ֣ר הַמֶּ֔לֶךְ שִׂ֥ימוּ אֶת זֶ֖ה בֵּ֣ית הַכֶּ֑לֶא וְהַאֲכִילֻ֨הוּ לֶ֤חֶם לַ֨חַץ֙ וּמַ֣יִם לַ֔חַץ עַ֖ד בֹּאִ֥י בְשָׁלֽוֹם

and to say · thus · to say · the king · put · - · this · house of · the confinement · and eat him · bread · oppression · and water(s) · oppression · until · to enter me · in/at peace

וַיֹּ֣אמֶר מִיכָ֔יְהוּ אִם שׁ֤וֹב תָּשׁוּב֙ בְּשָׁל֔וֹם לֹֽא דִבֶּ֥ר יְהוָ֖ה בִּ֑י וַיֹּ֕אמֶר שִׁמְע֖וּ עַמִּ֥ים כֻּלָּֽם

and to say · Micaiah · if · to return · to return · in/at peace · not · to speak · LORD · in/at me · and to say · hear · peoples · all their

וַיַּ֧עַל מֶֽלֶךְ יִשְׂרָאֵ֛ל וְיהוֹשָׁפָ֥ט מֶֽלֶךְ יְהוּדָ֖ה רָמֹ֥ת גִּלְעָֽד

and to go up · king of · Israel · and Jehoshaphat · king of · Judah · Ramoth · Gilead

וַיֹּאמֶר֩ מֶ֨לֶךְ יִשְׂרָאֵ֜ל אֶל יְהוֹשָׁפָ֗ט הִתְחַפֵּשׂ֙ וָבֹ֣א בַמִּלְחָמָ֔ה וְאַתָּ֖ה לְבַ֣שׁ בְּגָדֶ֑יךָ וַיִּתְחַפֵּשׂ֙ מֶ֣לֶךְ יִשְׂרָאֵ֔ל וַיָּב֖וֹא בַּמִּלְחָמָֽה

and to say · king of · Israel · to · Jehoshaphat · to search · and to enter · in/at the battle · and you · clothe · garments your · and to search · king of · Israel · and to enter · in/at the battle

וּמֶ֣לֶךְ אֲרָ֡ם צִוָּ֣ה אֶת שָׂרֵי֩ הָרֶ֨כֶב אֲשֶׁר ל֜וֹ שְׁלֹשִׁ֤ים וּשְׁנַ֨יִם֙ לֵאמֹ֔ר לֹ֚א תִּלָּ֣חֲמ֔וּ אֶת קָטֹ֖ן וְאֶת גָּד֑וֹל כִּ֛י אִֽם אֶת מֶ֥לֶךְ יִשְׂרָאֵ֖ל לְבַדּֽוֹ

and king of · Aram · to command · - · princes of · the chariot · which · to/for him · thirty · and two · to say · not · to fight · with · small · and with · great · that · if · with · king of · Israel · to/for apart his

וַיְהִ֡י כִּרְאוֹת֩ שָׂרֵ֨י הָרֶ֜כֶב אֶת יְהוֹשָׁפָ֗ט וְהֵ֤מָּה אָֽמְרוּ֙ אַ֣ךְ מֶֽלֶךְ יִשְׂרָאֵ֣ל ה֔וּא וַיָּסֻ֥רוּ עָלָ֖יו לְהִלָּחֵ֑ם וַיִּזְעַ֖ק יְהוֹשָׁפָֽט

and to be · like/as to see · princes of · the chariot · - · Jehoshaphat · and they · to say · surely · king of · Israel · he · and to turn aside · upon him · to fight · and to cry out · Jehoshaphat

וַיְהִ֗י כִּרְאוֹת֙ שָׂרֵ֣י הָרֶ֔כֶב כִּֽי לֹא מֶ֥לֶךְ יִשְׂרָאֵ֖ל ה֑וּא וַיָּשׁ֖וּבוּ מֵאַחֲרָֽיו

and to be · like/as to see · princes of · the chariot · that · not · king of · Israel · he · and to return · from after him

וְאִ֗ישׁ מָשַׁ֤ךְ בַּקֶּ֨שֶׁת֙ לְתֻמּ֔וֹ וַיַּכֶּה֙ אֶת מֶ֣לֶךְ יִשְׂרָאֵ֔ל בֵּ֥ין הַדְּבָקִ֖ים וּבֵ֣ין הַשִּׁרְיָ֑ן וַיֹּ֣אמֶר לְרַכָּב֗וֹ הֲפֹ֥ךְ יָדְךָ֛ וְהוֹצִיאֵ֥נִי מִן הַֽמַּחֲנֶ֖ה כִּ֥י הָחֳלֵֽיתִי

and man · to draw · in/at the bow · to/for integrity his · and to strike · - · king of · Israel · between · the joints · and between · the body armor · and to say · to/for horseman his · overturn · hand your · and go out me · from · the camp · that · to be sick

וַתַּעֲלֶ֤ה הַמִּלְחָמָה֙ בַּיּ֣וֹם הַה֔וּא וְהַמֶּ֗לֶךְ הָיָ֧ה מָעֳמָ֛ד בַּמֶּרְכָּבָ֖ה נֹ֣כַח אֲרָ֑ם וַיָּ֣מָת בָּעֶ֔רֶב וַיִּ֥צֶק דַּֽם הַמַּכָּ֖ה אֶל חֵ֥יק הָרָֽכֶב

and to go up · the battle · in/at the day · the he · and the king · to be · stood · in/at the chariot · opposite · Aram · and to die · in/at the evening · and to pour · blood of · the blow · to · bosom of · the chariot

LXX Septuagint runs longer here

וַיַּעֲבֹ֤ר הָרִנָּה֙ בַּֽמַּחֲנֶ֔ה כְּבֹ֥א הַשֶּׁ֖מֶשׁ לֵאמֹ֑ר אִ֥ישׁ אֶל עִיר֖וֹ וְאִ֥ישׁ אֶל אַרְצֽוֹ

and to pass over · the cry · in/at the camp · like/as to enter · the sun · to say · man · to · city his · and man · to · land his

וַיָּ֣מָת הַמֶּ֔לֶךְ וַיָּב֖וֹא שֹׁמְר֑וֹן וַיִּקְבְּר֥וּ אֶת הַמֶּ֖לֶךְ בְּשֹׁמְרֽוֹן

and to die · the king · and to enter · Samaria · and to bury · - · the king · in/at Samaria

וַיִּשְׁטֹ֨ף אֶת הָרֶ֜כֶב עַ֣ל בְּרֵכַ֣ת שֹׁמְר֗וֹן וַיָּלֹ֤קּוּ הַכְּלָבִים֙ אֶת דָּמ֔וֹ וְהַזֹּנ֖וֹת רָחָ֑צוּ כִּדְבַ֥ר יְהוָ֖ה אֲשֶׁ֥ר דִּבֵּֽר

and to wash · - · the chariot · upon · pool of · Samaria · and to lap · the dogs · - · blood his · and the fornications · to wash · like/as word of · LORD · which · to speak

וְיֶתֶר֩ דִּבְרֵ֨י אַחְאָ֜ב וְכָל אֲשֶׁ֣ר עָשָׂ֗ה וּבֵ֤ית הַשֵּׁן֙ אֲשֶׁ֣ר בָּנָ֔ה וְכָל הֶעָרִ֖ים אֲשֶׁ֣ר בָּנָ֑ה הֲלֽוֹא הֵ֣ם כְּתוּבִ֗ים עַל סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל

and remainder of · words of · Ahab · and all of · which · to do · and house of · the tooth · which · to build · and all of · the cities · which · to build · not · they · written · upon · book of · words of · the days · to/for kings of · Israel

וַיִּשְׁכַּ֥ב אַחְאָ֖ב עִם אֲבֹתָ֑יו וַיִּמְלֹ֛ךְ אֲחַזְיָ֥הוּ בְנ֖וֹ תַּחְתָּֽיו

and to lie down · Ahab · with · fathers his · and to reign · Ahaziah · son his · under him

וִיהֽוֹשָׁפָט֙ בֶּן אָסָ֔א מָלַ֖ךְ עַל יְהוּדָ֑ה בִּשְׁנַ֣ת אַרְבַּ֔ע לְאַחְאָ֖ב מֶ֥לֶךְ יִשְׂרָאֵֽל

and Jehoshaphat · son of · Asa · to reign · upon · Judah · in/at year of · four · to/for Ahab · king of · Israel

יְהוֹשָׁפָ֗ט בֶּן שְׁלֹשִׁ֨ים וְחָמֵ֤שׁ שָׁנָה֙ בְּמָלְכ֔וֹ וְעֶשְׂרִ֤ים וְחָמֵשׁ֙ שָׁנָ֔ה מָלַ֖ךְ בִּירוּשָׁלִָ֑ם וְשֵׁ֣ם אִמּ֔וֹ עֲזוּבָ֖ה בַּת שִׁלְחִֽי

Jehoshaphat · son of · thirty · and five · year · in/at to reign him · and twenty · and five · year · to reign · in/at Jerusalem · and name of · mother his · Azubah · daughter of · Shilhi

וַיֵּ֗לֶךְ בְּכָל דֶּ֛רֶךְ אָסָ֥א אָבִ֖יו לֹא סָ֣ר מִמֶּ֑נּוּ לַעֲשׂ֥וֹת הַיָּשָׁ֖ר בְּעֵינֵ֥י יְהוָֽה אַ֥ךְ הַבָּמ֖וֹת לֹֽא סָ֑רוּ ע֥וֹד הָעָ֛ם מְזַבְּחִ֥ים וּֽמְקַטְּרִ֖ים בַּבָּמֽוֹת

and to walk · in/at all of · way of · Asa · father his · not · to turn aside · from us · to do · the upright · in/at eyes of · LORD · surely · the high places · not · to turn aside · still · the people · sacrificing · and burning incense · in/at the high places

LXX Septuagint runs shorter here

וַיַּשְׁלֵ֥ם יְהוֹשָׁפָ֖ט עִם מֶ֥לֶךְ יִשְׂרָאֵֽל

and to be at peace · Jehoshaphat · with · king of · Israel

LXX Septuagint runs longer here

וְיֶ֨תֶר דִּבְרֵ֧י יְהוֹשָׁפָ֛ט וּגְבוּרָת֥וֹ אֲשֶׁר עָשָׂ֖ה וַאֲשֶׁ֣ר נִלְחָ֑ם הֲלֹֽא הֵ֣ם כְּתוּבִ֗ים עַל סֵ֛פֶר דִּבְרֵ֥י הַיָּמִ֖ים לְמַלְכֵ֥י יְהוּדָֽה

and remainder of · words of · Jehoshaphat · and strength his · which · to do · and which · to fight · not · they · written · upon · book of · words of · the days · to/for kings of · Judah

LXX Septuagint runs shorter here

וְיֶ֨תֶר֙ הַקָּדֵ֔שׁ אֲשֶׁ֣ר נִשְׁאַ֔ר בִּימֵ֖י אָסָ֣א אָבִ֑יו בִּעֵ֖ר מִן הָאָֽרֶץ

and remainder of · the male prostitute · which · to remain · in/at days of · Asa · father his · to burn · from · the land

LXX Septuagint runs longer here

וּמֶ֥לֶךְ אֵ֛ין בֶּאֱד֖וֹם נִצָּ֥ב מֶֽלֶךְ

and king · nothing · in/at Edom · standing · king

יְהוֹשָׁפָ֡ט עשר עָשָׂה֩ אֳנִיּ֨וֹת תַּרְשִׁ֜ישׁ לָלֶ֧כֶת אוֹפִ֛ירָה לַזָּהָ֖ב וְלֹ֣א הָלָ֑ךְ כִּֽי נשברה נִשְׁבְּר֥וּ אֳנִיּ֖וֹת בְּעֶצְי֥וֹן גָּֽבֶר

Jehoshaphat · teen · to do · ships of · Tarshish · to walk · Ophir toward · to/for the gold · and not · to walk · that · to break · to break · ships · in/at Ezion-geber · Ezion-geber

אָ֠ז אָמַ֞ר אֲחַזְיָ֤הוּ בֶן אַחְאָב֙ אֶל יְה֣וֹשָׁפָ֔ט יֵלְכ֧וּ עֲבָדַ֛י עִם עֲבָדֶ֖יךָ בָּאֳנִיּ֑וֹת וְלֹ֥א אָבָ֖ה יְהוֹשָׁפָֽט

then · to say · Ahaziah · son of · Ahab · to · Jehoshaphat · to walk · servants my · with · servants your · in/at ships · and not · to be willing · Jehoshaphat

וַיִּשְׁכַּ֤ב יְהֽוֹשָׁפָט֙ עִם אֲבֹתָ֔יו וַיִּקָּבֵר֙ עִם אֲבֹתָ֔יו בְּעִ֖יר דָּוִ֣ד אָבִ֑יו וַיִּמְלֹ֛ךְ יְהוֹרָ֥ם בְּנ֖וֹ תַּחְתָּֽיו

and to lie down · Jehoshaphat · with · fathers his · and to bury · with · fathers his · in/at city of · David · father his · and to reign · Jehoram · son his · under him

אֲחַזְיָ֣הוּ בֶן אַחְאָ֗ב מָלַ֤ךְ עַל יִשְׂרָאֵל֙ בְּשֹׁ֣מְר֔וֹן בִּשְׁנַת֙ שְׁבַ֣ע עֶשְׂרֵ֔ה לִיהוֹשָׁפָ֖ט מֶ֣לֶךְ יְהוּדָ֑ה וַיִּמְלֹ֥ךְ עַל יִשְׂרָאֵ֖ל שְׁנָתָֽיִם

Ahaziah · son of · Ahab · to reign · upon · Israel · in/at Samaria · in/at year of · seven · teen · to/for Jehoshaphat · king of · Judah · and to reign · upon · Israel · years

וַיַּ֥עַשׂ הָרַ֖ע בְּעֵינֵ֣י יְהוָ֑ה וַיֵּ֗לֶךְ בְּדֶ֤רֶךְ אָבִיו֙ וּבְדֶ֣רֶךְ אִמּ֔וֹ וּבְדֶ֨רֶךְ֙ יָרָבְעָ֣ם בֶּן נְבָ֔ט אֲשֶׁ֥ר הֶחֱטִ֖יא אֶת יִשְׂרָאֵֽל

and to do · the evil · in/at eyes of · LORD · and to walk · in/at way of · father his · and in/at way of · mother his · and in/at way of · Jeroboam · son of · Nebat · which · to sin · - · Israel

LXX Septuagint runs shorter here

וַֽיַּעֲבֹד֙ אֶת הַבַּ֔עַל וַיִּֽשְׁתַּחֲוֶ֖ה ל֑וֹ וַיַּכְעֵ֗ס אֶת יְהוָה֙ אֱלֹהֵ֣י יִשְׂרָאֵ֔ל כְּכֹ֥ל אֲשֶׁר עָשָׂ֖ה אָבִֽיו

and to serve · - · the Baal · and to bow down · to/for him · and to be angry · - · LORD · God(s) of · Israel · like/as all · which · to do · father his

LXX Septuagint runs longer here