Isaiah 37

וַיְהִ֗י כִּשְׁמֹ֨עַ֙ הַמֶּ֣לֶךְ חִזְקִיָּ֔הוּ וַיִּקְרַ֖ע אֶת בְּגָדָ֑יו וַיִּתְכַּ֣ס בַּשָּׂ֔ק וַיָּבֹ֖א בֵּ֥ית יְהוָֽה

and to be · like/as to hear · the king · Hezekiah · and to tear · - · garments his · and to cover · in/at the sackcloth · and to enter · house of · LORD

וַ֠יִּשְׁלַח אֶת אֶלְיָקִ֨ים אֲשֶׁר עַל הַבַּ֜יִת וְאֵ֣ת שֶׁבְנָ֣א הַסּוֹפֵ֗ר וְאֵת֙ זִקְנֵ֣י הַכֹּהֲנִ֔ים מִתְכַּסִּ֖ים בַּשַּׂקִּ֑ים אֶל יְשַֽׁעְיָ֥הוּ בֶן אָמ֖וֹץ הַנָּבִֽיא

and to send · - · Eliakim · which · upon · the house · and - · Shebna · the scribe · and - · old of · the priests · covering · in/at the sacks · to · Isaiah · son of · Amoz · the prophet

וַיֹּאמְר֣וּ אֵלָ֗יו כֹּ֚ה אָמַ֣ר חִזְקִיָּ֔הוּ יוֹם צָרָ֧ה וְתוֹכֵחָ֛ה וּנְאָצָ֖ה הַיּ֣וֹם הַזֶּ֑ה כִּ֣י בָ֤אוּ בָנִים֙ עַד מַשְׁבֵּ֔ר וְכֹ֥חַ אַ֖יִן לְלֵדָֽה

and to say · to him · thus · to say · Hezekiah · day of · distress · and rebuke · and contempt · the day · the this · that · to enter · sons · until · breach · and strength · nothing · to/for childbirth

אוּלַ֡י יִשְׁמַע֩ יְהוָ֨ה אֱלֹהֶ֜יךָ אֵ֣ת דִּבְרֵ֣י רַב שָׁקֵ֗ה אֲשֶׁר֩ שְׁלָח֨וֹ מֶֽלֶךְ אַשּׁ֤וּר אֲדֹנָיו֙ לְחָרֵף֙ אֱלֹהִ֣ים חַ֔י וְהוֹכִ֨יחַ֙ בַּדְּבָרִ֔ים אֲשֶׁ֥ר שָׁמַ֖ע יְהוָ֣ה אֱלֹהֶ֑יךָ וְנָשָׂ֣אתָ תְפִלָּ֔ה בְּעַ֥ד הַשְּׁאֵרִ֖ית הַנִּמְצָאָֽה

perhaps · to hear · LORD · God(s) your · - · words of · chief cupbearer · chief cupbearer · which · to send him · king of · Assyria · lords his · to reproach · God(s) · living · and to reprove · in/at the words · which · to hear · LORD · God(s) your · and to lift · prayer · behind · the remnant · the finding

וַיָּבֹ֗אוּ עַבְדֵ֛י הַמֶּ֥לֶךְ חִזְקִיָּ֖הוּ אֶל יְשַׁעְיָֽהוּ

and to enter · servants of · the king · Hezekiah · to · Isaiah

וַיֹּ֤אמֶר אֲלֵיהֶם֙ יְשַֽׁעְיָ֔הוּ כֹּ֥ה תֹאמְר֖וּן אֶל אֲדֹנֵיכֶ֑ם כֹּ֣ה אָמַ֣ר יְהוָ֗ה אַל תִּירָא֙ מִפְּנֵ֤י הַדְּבָרִים֙ אֲשֶׁ֣ר שָׁמַ֔עְתָּ אֲשֶׁ֧ר גִּדְּפ֛וּ נַעֲרֵ֥י מֶלֶךְ אַשּׁ֖וּר אוֹתִֽי

and to say · to them · Isaiah · thus · to say · to · lords your · thus · to say · LORD · not · to fear · from face(s) of · the words · which · to hear · which · to revile · boys of · king of · Assyria · - me

הִנְנִ֨י נוֹתֵ֥ן בּוֹ֙ ר֔וּחַ וְשָׁמַ֥ע שְׁמוּעָ֖ה וְשָׁ֣ב אֶל אַרְצ֑וֹ וְהִפַּלְתִּ֥יו בַּחֶ֖רֶב בְּאַרְצֽוֹ

behold me · giving · in/at him · spirit · and to hear · report · and to return · to · land his · and to fall him · in/at the sword · in/at land his

וַיָּ֨שָׁב֙ רַב שָׁקֵ֔ה וַיִּמְצָא֙ אֶת מֶ֣לֶךְ אַשּׁ֔וּר נִלְחָ֖ם עַל לִבְנָ֑ה כִּ֣י שָׁמַ֔ע כִּ֥י נָסַ֖ע מִלָּכִֽישׁ

and to return · chief cupbearer · chief cupbearer · and to find · - · king of · Assyria · fighting · upon · Libnah · that · to hear · that · to journey · from Lachish

וַיִּשְׁמַ֗ע עַל תִּרְהָ֤קָה מֶֽלֶךְ כּוּשׁ֙ לֵאמֹ֔ר יָצָ֖א לְהִלָּחֵ֣ם אִתָּ֑ךְ וַיִּשְׁמַע֙ וַיִּשְׁלַ֣ח מַלְאָכִ֔ים אֶל חִזְקִיָּ֖הוּ לֵאמֹֽר

and to hear · upon · Tirhakah · king of · Cush · to say · to go out · to fight · with you · and to hear · and to send · messengers · to · Hezekiah · to say

כֹּ֣ה תֹאמְר֗וּן אֶל חִזְקִיָּ֤הוּ מֶֽלֶךְ יְהוּדָה֙ לֵאמֹ֔ר אַל יַשִּֽׁאֲךָ֣ אֱלֹהֶ֔יךָ אֲשֶׁ֥ר אַתָּ֛ה בּוֹטֵ֥חַ בּ֖וֹ לֵאמֹ֑ר לֹ֤א תִנָּתֵן֙ יְר֣וּשָׁלִַ֔ם בְּיַ֖ד מֶ֥לֶךְ אַשּֽׁוּר

thus · to say · to · Hezekiah · king of · Judah · to say · not · to deceive you · God(s) your · which · you · trusting · in/at him · to say · not · to give · Jerusalem · in/at hand of · king of · Assyria

הִנֵּ֣ה אַתָּ֣ה שָׁמַ֗עְתָּ אֲשֶׁ֨ר עָשׂ֜וּ מַלְכֵ֥י אַשּׁ֛וּר לְכָל הָאֲרָצ֖וֹת לְהַחֲרִימָ֑ם וְאַתָּ֖ה תִּנָּצֵֽל

behold · you · to hear · which · to do · kings of · Assyria · to/for all of · the lands · to ban them · and you · to rescue

הַהִצִּ֨ילוּ אוֹתָ֜ם אֱלֹהֵ֤י הַגּוֹיִם֙ אֲשֶׁ֣ר הִשְׁחִ֣יתוּ אֲבוֹתַ֔י אֶת גּוֹזָ֖ן וְאֶת חָרָ֑ן וְרֶ֥צֶף וּבְנֵי עֶ֖דֶן אֲשֶׁ֥ר בִּתְלַשָּֽׂר

to rescue · - them · God(s) of · the nations · which · to destroy · fathers my · - · Gozan · and - · Haran · and Rezeph · and sons of · Eden · which · in/at Telassar

אַיֵּ֤ה מֶֽלֶךְ חֲמָת֙ וּמֶ֣לֶךְ אַרְפָּ֔ד וּמֶ֖לֶךְ לָעִ֣יר סְפַרְוָ֑יִם הֵנַ֖ע וְעִוָּֽה

where · king of · Hamath · and king of · Arpad · and king · city · Sepharvaim · Hena · and Ava

וַיִּקַּ֨ח חִזְקִיָּ֧הוּ אֶת הַסְּפָרִ֛ים מִיַּ֥ד הַמַּלְאָכִ֖ים וַיִּקְרָאֵ֑הוּ וַיַּ֨עַל֙ בֵּ֣ית יְהוָ֔ה וַיִּפְרְשֵׂ֥הוּ חִזְקִיָּ֖הוּ לִפְנֵ֥י יְהוָֽה

and to take · Hezekiah · - · the books · from hand of · the messengers · and to call him · and to go up · house of · LORD · and to spread out him · Hezekiah · to/for face(s) of · LORD

וַיִּתְפַּלֵּל֙ חִזְקִיָּ֔הוּ אֶל יְהוָ֖ה לֵאמֹֽר

and to pray · Hezekiah · to · LORD · to say

יְהוָ֨ה צְבָא֜וֹת אֱלֹהֵ֤י יִשְׂרָאֵל֙ יֹשֵׁ֣ב הַכְּרֻבִ֔ים אַתָּה ה֤וּא הָֽאֱלֹהִים֙ לְבַדְּךָ֔ לְכֹ֖ל מַמְלְכ֣וֹת הָאָ֑רֶץ אַתָּ֣ה עָשִׂ֔יתָ אֶת הַשָּׁמַ֖יִם וְאֶת הָאָֽרֶץ

LORD · armies · God(s) of · Israel · dwelling · the cherubim · you · he · the God(s) · to/for apart your · to/for all of · kingdoms of · the land · you · to do · - · the heaven(s) · and - · the land

הַטֵּ֨ה יְהוָ֤ה אָזְנְךָ֙ וּֽשְׁמָ֔ע פְּקַ֧ח יְהוָ֛ה עֵינֶ֖ךָ וּרְאֵ֑ה וּשְׁמַ֗ע אֵ֚ת כָּל דִּבְרֵ֣י סַנְחֵרִ֔יב אֲשֶׁ֣ר שָׁלַ֔ח לְחָרֵ֖ף אֱלֹהִ֥ים חָֽי

stretch out · LORD · ear your · and hear · open · LORD · eyes your · and see · and hear · - · all of · words of · Sennacherib · which · to send · to reproach · God(s) · living

אָמְנָ֖ם יְהוָ֑ה הֶחֱרִ֜יבוּ מַלְכֵ֥י אַשּׁ֛וּר אֶת כָּל הָאֲרָצ֖וֹת וְאֶת אַרְצָֽם

verily · LORD · to lay waste · kings of · Assyria · - · all of · the lands · and - · land their

וְנָתֹ֥ן אֶת אֱלֹהֵיהֶ֖ם בָּאֵ֑שׁ כִּי֩ לֹ֨א אֱלֹהִ֜ים הֵ֗מָּה כִּ֣י אִם מַעֲשֵׂ֧ה יְדֵֽי אָדָ֛ם עֵ֥ץ וָאֶ֖בֶן וַֽיְאַבְּדֽוּם

and to give · - · God(s) their · in/at the fire · that · not · God(s) · they · that · if · work of · hands of · man · tree · and stone · and to perish them

וְעַתָּה֙ יְהוָ֣ה אֱלֹהֵ֔ינוּ הוֹשִׁיעֵ֖נוּ מִיָד֑וֹ וְיֵֽדְעוּ֙ כָּל מַמְלְכ֣וֹת הָאָ֔רֶץ כִּֽי אַתָּ֥ה יְהוָ֖ה לְבַדֶּֽךָ

and now · LORD · God(s) our · save us · from hand his · and to know · all of · kingdoms of · the land · that · you · LORD · to/for apart your

וַיִּשְׁלַח֙ יְשַֽׁעְיָ֣הוּ בֶן אָמ֔וֹץ אֶל חִזְקִיָּ֖הוּ לֵאמֹ֑ר כֹּֽה אָמַ֤ר יְהוָה֙ אֱלֹהֵ֣י יִשְׂרָאֵ֔ל אֲשֶׁר֙ הִתְפַּלַּ֣לְתָּ אֵלַ֔י אֶל סַנְחֵרִ֖יב מֶ֥לֶךְ אַשּֽׁוּר

and to send · Isaiah · son of · Amoz · to · Hezekiah · to say · thus · to say · LORD · God(s) of · Israel · which · to pray · to me · to · Sennacherib · king of · Assyria

זֶ֣ה הַדָּבָ֔ר אֲשֶׁר דִּבֶּ֥ר יְהוָ֖ה עָלָ֑יו בָּזָ֨ה לְךָ֜ לָעֲגָ֣ה לְךָ֗ בְּתוּלַת֙ בַּת צִיּ֔וֹן אַחֲרֶ֨יךָ֙ רֹ֣אשׁ הֵנִ֔יעָה בַּ֖ת יְרוּשָׁלִָֽם

this · the word · which · to speak · LORD · upon him · to despise · to/for you · to mock · to/for you · virgin of · daughter of · Zion · after you · head · to shake · daughter of · Jerusalem

אֶת מִ֤י חֵרַ֨פְתָּ֙ וְגִדַּ֔פְתָּ וְעַל מִ֖י הֲרִימ֣וֹתָה קּ֑וֹל וַתִּשָּׂ֥א מָר֛וֹם עֵינֶ֖יךָ אֶל קְד֥וֹשׁ יִשְׂרָאֵֽל

- · who · to reproach · and to revile · and upon · who · to rise · voice · and to lift · height · eyes your · to · holy of · Israel

בְּיַ֣ד עֲבָדֶיךָ֮ חֵרַ֣פְתָּ אֲדֹנָי֒ וַתֹּ֗אמֶר בְּרֹ֥ב רִכְבִּ֛י אֲנִ֥י עָלִ֛יתִי מְר֥וֹם הָרִ֖ים יַרְכְּתֵ֣י לְבָנ֑וֹן וְאֶכְרֹ֞ת קוֹמַ֤ת אֲרָזָיו֙ מִבְחַ֣ר בְּרֹשָׁ֔יו וְאָבוֹא֙ מְר֣וֹם קִצּ֔וֹ יַ֖עַר כַּרְמִלּֽוֹ

in/at hand of · servants your · to reproach · Lord my · and to say · in/at multitude of · chariot my · I · to go up · height of · mountains · sides of · Lebanon · and to cut · height of · cedars his · choicest of · cypresses his · and to enter · height of · end his · forest of · orchard his

אֲנִ֥י קַ֖רְתִּי וְשָׁתִ֣יתִי מָ֑יִם וְאַחְרִב֙ בְּכַף פְּעָמַ֔י כֹּ֖ל יְאֹרֵ֥י מָצֽוֹר

I · to dig · and to drink · water(s) · and to lay waste · in/at palm of · times my · all of · rivers of · siege

הֲלֽוֹא שָׁמַ֤עְתָּ לְמֵֽרָחוֹק֙ אוֹתָ֣הּ עָשִׂ֔יתִי מִ֥ימֵי קֶ֖דֶם וִיצַרְתִּ֑יהָ עַתָּ֣ה הֲבֵאתִ֔יהָ וּתְהִ֗י לְהַשְׁא֛וֹת גַּלִּ֥ים נִצִּ֖ים עָרִ֥ים בְּצֻרֽוֹת

not · to hear · to/for from far · - her · to do · from days of · east · and to form her · now · to enter her · and to be · to crash · waves · struggling · cities · fortified

וְיֹֽשְׁבֵיהֶן֙ קִצְרֵי יָ֔ד חַ֖תּוּ וָבֹ֑שׁוּ הָי֞וּ עֵ֤שֶׂב שָׂדֶה֙ וִ֣ירַק דֶּ֔שֶׁא חֲצִ֣יר גַּגּ֔וֹת וּשְׁדֵמָ֖ה לִפְנֵ֥י קָמָֽה

and dwelling them · short of · hand · to be dismayed · and to be ashamed · to be · herb of · field · and herbs of · grass · grass of · roofs · and field · to/for face(s) of · standing grain

LXX Septuagint runs shorter here

וְשִׁבְתְּךָ֛ וְצֵאתְךָ֥ וּבוֹאֲךָ֖ יָדָ֑עְתִּי וְאֵ֖ת הִֽתְרַגֶּזְךָ֥ אֵלָֽי

and to dwell you · and to go out you · and to enter you · to know · and - · to tremble you · to me

יַ֚עַן הִתְרַגֶּזְךָ֣ אֵלַ֔י וְשַׁאֲנַנְךָ֖ עָלָ֣ה בְאָזְנָ֑י וְשַׂמְתִּ֨י חַחִ֜י בְּאַפֶּ֗ךָ וּמִתְגִּי֙ בִּשְׂפָתֶ֔יךָ וַהֲשִׁ֣יבֹתִ֔יךָ בַּדֶּ֖רֶךְ אֲשֶׁר בָּ֥אתָ בָּֽהּ

because · to tremble you · to me · and at ease your · to go up · in/at ears my · and to put · ring my · in/at nose your · and bridle my · in/at lips your · and to return you · in/at the way · which · to enter · in/at her

וְזֶה לְּךָ֣ הָא֔וֹת אָכ֤וֹל הַשָּׁנָה֙ סָפִ֔יחַ וּבַשָּׁנָ֥ה הַשֵּׁנִ֖ית שָׁחִ֑יס וּבַשָּׁנָ֣ה הַשְּׁלִישִׁ֗ית זִרְע֧וּ וְקִצְר֛וּ וְנִטְע֥וּ כְרָמִ֖ים ואכול וְאִכְל֥וּ פִרְיָֽם

and this · to/for you · the sign · to eat · the year · volunteer plants · and in/at the year · the second · volunteer grain · and in/at the year · the third · sow · and be short · and plant · vineyards · and to eat · and eat · fruit their

וְיָ֨סְפָ֜ה פְּלֵיטַ֧ת בֵּית יְהוּדָ֛ה הַנִּשְׁאָרָ֖ה שֹׁ֣רֶשׁ לְמָ֑טָּה וְעָשָׂ֥ה פְרִ֖י לְמָֽעְלָה

and to add · escape of · house of · Judah · the remaining · root · to/for downwards · and to do · fruit · to/for above toward

כִּ֤י מִירֽוּשָׁלִַ֨ם֙ תֵּצֵ֣א שְׁאֵרִ֔ית וּפְלֵיטָ֖ה מֵהַ֣ר צִיּ֑וֹן קִנְאַ֛ת יְהוָ֥ה צְבָא֖וֹת תַּֽעֲשֶׂה זֹּֽאת

that · from Jerusalem · to go out · remnant · and escape · from mountain of · Zion · jealousy of · LORD · armies · to do · this

לָכֵ֗ן כֹּֽה אָמַ֤ר יְהוָה֙ אֶל מֶ֣לֶךְ אַשּׁ֔וּר לֹ֤א יָבוֹא֙ אֶל הָעִ֣יר הַזֹּ֔את וְלֹֽא יוֹרֶ֥ה שָׁ֖ם חֵ֑ץ וְלֹֽא יְקַדְּמֶ֣נָּה מָגֵ֔ן וְלֹֽא יִשְׁפֹּ֥ךְ עֳלֶ֖יהָ סֹלְלָֽה

to/for thus · thus · to say · LORD · to · king of · Assyria · not · to enter · to · the city · the this · and not · to throw · there · arrow · and not · to meet her · shield · and not · to pour · upon her · mound

בַּדֶּ֥רֶךְ אֲשֶׁר בָּ֖א בָּ֣הּ יָשׁ֑וּב וְאֶל הָעִ֥יר הַזֹּ֛את לֹ֥א יָב֖וֹא נְאֻם יְהוָֽה

in/at the way · which · to enter · in/at her · to return · and to · the city · the this · not · to enter · utterance of · LORD

וְגַנּוֹתִ֛י עַל הָעִ֥יר הַזֹּ֖את לְהֽוֹשִׁיעָ֑הּ לְמַֽעֲנִ֔י וּלְמַ֖עַן דָּוִ֥ד עַבְדִּֽי

and to defend · upon · the city · the this · to save her · for the sake of me · and for the sake of · David · servant my

וַיֵּצֵ֣א מַלְאַ֣ךְ יְהוָ֗ה וַיַּכֶּה֙ בְּמַחֲנֵ֣ה אַשּׁ֔וּר מֵאָ֛ה וּשְׁמֹנִ֥ים וַחֲמִשָּׁ֖ה אָ֑לֶף וַיַּשְׁכִּ֣ימוּ בַבֹּ֔קֶר וְהִנֵּ֥ה כֻלָּ֖ם פְּגָרִ֥ים מֵתִֽים

and to go out · messenger of · LORD · and to strike · in/at camp of · Assyria · hundred · and eighty · and five · thousand · and to rise early · in/at the morning · and behold · all their · corpses · dying

וַיִּסַּ֣ע וַיֵּ֔לֶךְ וַיָּ֖שָׁב סַנְחֵרִ֣יב מֶֽלֶךְ אַשּׁ֑וּר וַיֵּ֖שֶׁב בְּנִֽינְוֵֽה

and to journey · and to walk · and to return · Sennacherib · king of · Assyria · and to dwell · in/at Nineveh

וַיְהִי֩ ה֨וּא מִֽשְׁתַּחֲוֶ֜ה בֵּ֣ית נִסְרֹ֣ךְ אֱלֹהָ֗יו וְֽאַדְרַמֶּ֨לֶךְ וְשַׂרְאֶ֤צֶר בָּנָיו֙ הִכֻּ֣הוּ בַחֶ֔רֶב וְהֵ֥מָּה נִמְלְט֖וּ אֶ֣רֶץ אֲרָרָ֑ט וַיִּמְלֹ֛ךְ אֵֽסַר חַדֹּ֥ן בְּנ֖וֹ תַּחְתָּֽיו

and to be · he · bowing down · house of · Nisroch · God(s) his · and Adrammelech · and Sharezer · sons his · to strike him · in/at the sword · and they · to escape · land of · Ararat · and to reign · Esarhaddon · Esarhaddon · son his · under him