Genesis 30

וַתֵּ֣רֶא רָחֵ֗ל כִּ֣י לֹ֤א יָֽלְדָה֙ לְיַעֲקֹ֔ב וַתְּקַנֵּ֥א רָחֵ֖ל בַּאֲחֹתָ֑הּ וַתֹּ֤אמֶר אֶֽל יַעֲקֹב֙ הָֽבָה לִּ֣י בָנִ֔ים וְאִם אַ֖יִן מֵתָ֥ה אָנֹֽכִי

and to see · Rachel · that · not · to bear · to/for Jacob · and to envy · Rachel · in/at sister her · and to say · to · Jacob · give · to/for me · sons · and if · nothing · dying · I

וַיִּֽחַר אַ֥ף יַעֲקֹ֖ב בְּרָחֵ֑ל וַיֹּ֗אמֶר הֲתַ֤חַת אֱלֹהִים֙ אָנֹ֔כִי אֲשֶׁר מָנַ֥ע מִמֵּ֖ךְ פְּרִי בָֽטֶן

and to be angry · nose · Jacob · in/at Rachel · and to say · under · God(s) · I · which · to withhold · from you · fruit of · belly

וַתֹּ֕אמֶר הִנֵּ֛ה אֲמָתִ֥י בִלְהָ֖ה בֹּ֣א אֵלֶ֑יהָ וְתֵלֵד֙ עַל בִּרְכַּ֔י וְאִבָּנֶ֥ה גַם אָנֹכִ֖י מִמֶּֽנָּה

and to say · behold · maid my · Bilhah · enter · to her · and to bear · upon · knees my · and to build · also · I · from her

וַתִּתֶּן ל֛וֹ אֶת בִּלְהָ֥ה שִׁפְחָתָ֖הּ לְאִשָּׁ֑ה וַיָּבֹ֥א אֵלֶ֖יהָ יַעֲקֹֽב

and to give · to/for him · - · Bilhah · maid her · to/for woman · and to enter · to her · Jacob

וַתַּ֣הַר בִּלְהָ֔ה וַתֵּ֥לֶד לְיַעֲקֹ֖ב בֵּֽן

and to conceive · Bilhah · and to bear · to/for Jacob · son

וַתֹּ֤אמֶר רָחֵל֙ דָּנַ֣נִּי אֱלֹהִ֔ים וְגַם֙ שָׁמַ֣ע בְּקֹלִ֔י וַיִּתֶּן לִ֖י בֵּ֑ן עַל כֵּ֛ן קָרְאָ֥ה שְׁמ֖וֹ דָּֽן

and to say · Rachel · to judge me · God(s) · and also · to hear · in/at voice my · and to give · to/for me · son · upon · thus · to call · name his · Dan

וַתַּ֣הַר ע֔וֹד וַתֵּ֕לֶד בִּלְהָ֖ה שִׁפְחַ֣ת רָחֵ֑ל בֵּ֥ן שֵׁנִ֖י לְיַעֲקֹֽב

and to conceive · still · and to bear · Bilhah · maid of · Rachel · son · second · to/for Jacob

וַתֹּ֣אמֶר רָחֵ֗ל נַפְתּוּלֵ֨י אֱלֹהִ֧ים נִפְתַּ֛לְתִּי עִם אֲחֹתִ֖י גַּם יָכֹ֑לְתִּי וַתִּקְרָ֥א שְׁמ֖וֹ נַפְתָּלִֽי

and to say · Rachel · wrestlings of · God(s) · to twist · with · sister my · also · to prevail · and to call · name his · Naphtali

וַתֵּ֣רֶא לֵאָ֔ה כִּ֥י עָמְדָ֖ה מִלֶּ֑דֶת וַתִּקַּח֙ אֶת זִלְפָּ֣ה שִׁפְחָתָ֔הּ וַתִּתֵּ֥ן אֹתָ֛הּ לְיַעֲקֹ֖ב לְאִשָּֽׁה

and to see · Leah · that · to stand · from to bear · and to take · - · Zilpah · maid her · and to give · - her · to/for Jacob · to/for woman

וַתֵּ֗לֶד זִלְפָּ֛ה שִׁפְחַ֥ת לֵאָ֖ה לְיַעֲקֹ֥ב בֵּֽן

and to bear · Zilpah · maid of · Leah · to/for Jacob · son

LXX Septuagint runs longer here

וַתֹּ֥אמֶר לֵאָ֖ה בגד בָּ֣א גָ֑ד וַתִּקְרָ֥א אֶת שְׁמ֖וֹ גָּֽד

and to say · Leah · in/at fortune · entering · fortune · and to call · - · name his · Gad

LXX Septuagint runs longer here

וַתֵּ֗לֶד זִלְפָּה֙ שִׁפְחַ֣ת לֵאָ֔ה בֵּ֥ן שֵׁנִ֖י לְיַעֲקֹֽב

and to bear · Zilpah · maid of · Leah · son · second · to/for Jacob

LXX Septuagint runs longer here

וַתֹּ֣אמֶר לֵאָ֔ה בְּאָשְׁרִ֕י כִּ֥י אִשְּׁר֖וּנִי בָּנ֑וֹת וַתִּקְרָ֥א אֶת שְׁמ֖וֹ אָשֵֽׁר

and to say · Leah · in/at happiness my · that · to go straight me · daughters · and to call · - · name his · Asher

וַיֵּ֨לֶךְ רְאוּבֵ֜ן בִּימֵ֣י קְצִיר חִטִּ֗ים וַיִּמְצָ֤א דֽוּדָאִים֙ בַּשָּׂדֶ֔ה וַיָּבֵ֣א אֹתָ֔ם אֶל לֵאָ֖ה אִמּ֑וֹ וַתֹּ֤אמֶר רָחֵל֙ אֶל לֵאָ֔ה תְּנִי נָ֣א לִ֔י מִדּוּדָאֵ֖י בְּנֵֽךְ

and to walk · Reuben · in/at days of · harvest of · wheat · and to find · mandrakes · in/at the field · and to enter · - them · to · Leah · mother his · and to say · Rachel · to · Leah · give · please · to/for me · from mandrakes of · son your

וַתֹּ֣אמֶר לָ֗הּ הַמְעַט֙ קַחְתֵּ֣ךְ אֶת אִישִׁ֔י וְלָקַ֕חַת גַּ֥ם אֶת דּוּדָאֵ֖י בְּנִ֑י וַתֹּ֣אמֶר רָחֵ֗ל לָכֵן֙ יִשְׁכַּ֤ב עִמָּךְ֙ הַלַּ֔יְלָה תַּ֖חַת דּוּדָאֵ֥י בְנֵֽךְ

and to say · to/for her · few · to take you · - · man my · and to take · also · - · mandrakes of · son my · and to say · Rachel · to/for thus · to lie down · with you · the night · under · mandrakes of · son your

וַיָּבֹ֨א יַעֲקֹ֣ב מִן הַשָּׂדֶה֮ בָּעֶרֶב֒ וַתֵּצֵ֨א לֵאָ֜ה לִקְרָאת֗וֹ וַתֹּ֨אמֶר֙ אֵלַ֣י תָּב֔וֹא כִּ֚י שָׂכֹ֣ר שְׂכַרְתִּ֔יךָ בְּדוּדָאֵ֖י בְּנִ֑י וַיִּשְׁכַּ֥ב עִמָּ֖הּ בַּלַּ֥יְלָה הֽוּא

and to enter · Jacob · from · the field · in/at the evening · and to go out · Leah · to meet him · and to say · to me · to enter · that · to hire · to hire you · in/at mandrakes of · son my · and to lie down · with her · in/at the night · he

וַיִּשְׁמַ֥ע אֱלֹהִ֖ים אֶל לֵאָ֑ה וַתַּ֛הַר וַתֵּ֥לֶד לְיַעֲקֹ֖ב בֵּ֥ן חֲמִישִֽׁי

and to hear · God(s) · to · Leah · and to conceive · and to bear · to/for Jacob · son · fifth

וַתֹּ֣אמֶר לֵאָ֗ה נָתַ֤ן אֱלֹהִים֙ שְׂכָרִ֔י אֲשֶׁר נָתַ֥תִּי שִׁפְחָתִ֖י לְאִישִׁ֑י וַתִּקְרָ֥א שְׁמ֖וֹ יִשָּׂשכָֽר

and to say · Leah · to give · God(s) · wages my · which · to give · maid my · to/for man my · and to call · name his · Issachar

וַתַּ֤הַר עוֹד֙ לֵאָ֔ה וַתֵּ֥לֶד בֵּן שִׁשִּׁ֖י לְּיַעֲקֹֽב

and to conceive · still · Leah · and to bear · son · sixth · to/for Jacob

וַתֹּ֣אמֶר לֵאָ֗ה זְבָדַ֨נִי אֱלֹהִ֥ים אֹתִי֮ זֵ֣בֶד טוֹב֒ הַפַּ֨עַם֙ יִזְבְּלֵ֣נִי אִישִׁ֔י כִּֽי יָלַ֥דְתִּי ל֖וֹ שִׁשָּׁ֣ה בָנִ֑ים וַתִּקְרָ֥א אֶת שְׁמ֖וֹ זְבֻלֽוּן

and to say · Leah · to endow me · God(s) · - me · endowment · good · the time · to exalt me · man my · that · to bear · to/for him · six · sons · and to call · - · name his · Zebulun

וְאַחַ֖ר יָ֣לְדָה בַּ֑ת וַתִּקְרָ֥א אֶת שְׁמָ֖הּ דִּינָֽה

and after · to bear · daughter · and to call · - · name her · Dinah

LXX Septuagint runs longer here

וַיִּזְכֹּ֥ר אֱלֹהִ֖ים אֶת רָחֵ֑ל וַיִּשְׁמַ֤ע אֵלֶ֨יהָ֙ אֱלֹהִ֔ים וַיִּפְתַּ֖ח אֶת רַחְמָֽהּ

and to remember · God(s) · - · Rachel · and to hear · to her · God(s) · and to open · - · womb her

וַתַּ֖הַר וַתֵּ֣לֶד בֵּ֑ן וַתֹּ֕אמֶר אָסַ֥ף אֱלֹהִ֖ים אֶת חֶרְפָּתִֽי

and to conceive · and to bear · son · and to say · to gather · God(s) · - · reproach my

וַתִּקְרָ֧א אֶת שְׁמ֛וֹ יוֹסֵ֖ף לֵאמֹ֑ר יֹסֵ֧ף יְהוָ֛ה לִ֖י בֵּ֥ן אַחֵֽר

and to call · - · name his · Joseph · to say · to add · LORD · to/for me · son · other

וַיְהִ֕י כַּאֲשֶׁ֛ר יָלְדָ֥ה רָחֵ֖ל אֶת יוֹסֵ֑ף וַיֹּ֤אמֶר יַעֲקֹב֙ אֶל לָבָ֔ן שַׁלְּחֵ֨נִי֙ וְאֵ֣לְכָ֔ה אֶל מְקוֹמִ֖י וּלְאַרְצִֽי

and to be · like/as which · to bear · Rachel · - · Joseph · and to say · Jacob · to · Laban · send me · and to walk · to · place my · and to/for land my

תְּנָ֞ה אֶת נָשַׁ֣י וְאֶת יְלָדַ֗י אֲשֶׁ֨ר עָבַ֧דְתִּי אֹֽתְךָ֛ בָּהֵ֖ן וְאֵלֵ֑כָה כִּ֚י אַתָּ֣ה יָדַ֔עְתָּ אֶת עֲבֹדָתִ֖י אֲשֶׁ֥ר עֲבַדְתִּֽיךָ

give · - · women my · and - · children my · which · to serve · - you · in/at them · and to walk · that · you · to know · - · service my · which · to serve you

וַיֹּ֤אמֶר אֵלָיו֙ לָבָ֔ן אִם נָ֛א מָצָ֥אתִי חֵ֖ן בְּעֵינֶ֑יךָ נִחַ֕שְׁתִּי וַיְבָרֲכֵ֥נִי יְהוָ֖ה בִּגְלָלֶֽךָ

and to say · to him · Laban · if · please · to find · grace · in/at eyes your · to divine · and to bless me · LORD · in/at on account of your

וַיֹּאמַ֑ר נָקְבָ֧ה שְׂכָרְךָ֛ עָלַ֖י וְאֶתֵּֽנָה

and to say · pierce · wages your · upon me · and to give

וַיֹּ֣אמֶר אֵלָ֔יו אַתָּ֣ה יָדַ֔עְתָּ אֵ֖ת אֲשֶׁ֣ר עֲבַדְתִּ֑יךָ וְאֵ֛ת אֲשֶׁר הָיָ֥ה מִקְנְךָ֖ אִתִּֽי

and to say · to him · you · to know · - · which · to serve you · and - · which · to be · cattle your · with me

כִּ֡י מְעַט֩ אֲשֶׁר הָיָ֨ה לְךָ֤ לְפָנַי֙ וַיִּפְרֹ֣ץ לָרֹ֔ב וַיְבָ֧רֶךְ יְהוָ֛ה אֹתְךָ֖ לְרַגְלִ֑י וְעַתָּ֗ה מָתַ֛י אֶֽעֱשֶׂ֥ה גַם אָנֹכִ֖י לְבֵיתִֽי

that · few · which · to be · to/for you · to/for face(s) my · and to break through · to/for multitude · and to bless · LORD · - you · to/for foot my · and now · how long · to do · also · I · to/for house my

וַיֹּ֖אמֶר מָ֣ה אֶתֶּן לָ֑ךְ וַיֹּ֤אמֶר יַעֲקֹב֙ לֹא תִתֶּן לִ֣י מְא֔וּמָה אִם תַּֽעֲשֶׂה לִּי֙ הַדָּבָ֣ר הַזֶּ֔ה אָשׁ֛וּבָה אֶרְעֶ֥ה צֹֽאנְךָ֖ אֶשְׁמֹֽר

and to say · what · to give · to/for you · and to say · Jacob · not · to give · to/for me · anything · if · to do · to/for me · the word · the this · to return · to shepherd · flock your · to keep

אֶֽעֱבֹ֨ר בְּכָל צֹֽאנְךָ֜ הַיּ֗וֹם הָסֵ֨ר מִשָּׁ֜ם כָּל שֶׂ֣ה נָקֹ֣ד וְטָל֗וּא וְכָל שֶׂה חוּם֙ בַּכְּשָׂבִ֔ים וְטָל֥וּא וְנָקֹ֖ד בָּעִזִּ֑ים וְהָיָ֖ה שְׂכָרִֽי

to pass over · in/at all of · flock your · the day · to turn aside · from there · all of · sheep · speckled · and spotted · and all of · sheep · dark · in/at the lambs · and spotted · and speckled · in/at the female goats · and to be · wages my

וְעָֽנְתָה בִּ֤י צִדְקָתִי֙ בְּי֣וֹם מָחָ֔ר כִּֽי תָב֥וֹא עַל שְׂכָרִ֖י לְפָנֶ֑יךָ כֹּ֣ל אֲשֶׁר אֵינֶנּוּ֩ נָקֹ֨ד וְטָל֜וּא בָּֽעִזִּ֗ים וְחוּם֙ בַּכְּשָׂבִ֔ים גָּנ֥וּב ה֖וּא אִתִּֽי

and to answer · in/at me · righteousness my · in/at day of · tomorrow · that · to enter · upon · wages my · to/for face(s) your · all · which · nothing him · speckled · and spotted · in/at the female goats · and dark · in/at the lambs · stolen · he · with me

וַיֹּ֥אמֶר לָבָ֖ן הֵ֑ן ל֖וּ יְהִ֥י כִדְבָרֶֽךָ

and to say · Laban · behold · if only · to be · like/as word your

וַיָּ֣סַר בַּיּוֹם֩ הַה֨וּא אֶת הַתְּיָשִׁ֜ים הָֽעֲקֻדִּ֣ים וְהַטְּלֻאִ֗ים וְאֵ֤ת כָּל הָֽעִזִּים֙ הַנְּקֻדּ֣וֹת וְהַטְּלֻאֹ֔ת כֹּ֤ל אֲשֶׁר לָבָן֙ בּ֔וֹ וְכָל ח֖וּם בַּכְּשָׂבִ֑ים וַיִּתֵּ֖ן בְּיַד בָּנָֽיו

and to turn aside · in/at the day · the he · - · the he-goats · the striped · and the spotted · and - · all of · the female goats · the speckled · and the spotted · all · which · white · in/at him · and all of · dark · in/at the lambs · and to give · in/at hand of · sons his

וַיָּ֗שֶׂם דֶּ֚רֶךְ שְׁלֹ֣שֶׁת יָמִ֔ים בֵּינ֖וֹ וּבֵ֣ין יַעֲקֹ֑ב וְיַעֲקֹ֗ב רֹעֶ֛ה אֶת צֹ֥אן לָבָ֖ן הַנּוֹתָרֹֽת

and to put · way of · three · days · between him · and between · Jacob · and Jacob · shepherding · - · flock of · Laban · the remaining

LXX Septuagint runs longer here

וַיִּֽקַּֽח ל֣וֹ יַעֲקֹ֗ב מַקַּ֥ל לִבְנֶ֛ה לַ֖ח וְל֣וּז וְעֶרְמ֑וֹן וַיְפַצֵּ֤ל בָּהֵן֙ פְּצָל֣וֹת לְבָנ֔וֹת מַחְשֹׂף֙ הַלָּבָ֔ן אֲשֶׁ֖ר עַל הַמַּקְלֽוֹת

and to take · to/for him · Jacob · staff of · poplar · moist · and almond · and plane tree · and to peel · in/at them · stripes · white · stripping of · the white · which · upon · the staves

LXX Septuagint runs longer here

וַיַּצֵּ֗ג אֶת הַמַּקְלוֹת֙ אֲשֶׁ֣ר פִּצֵּ֔ל בָּרֳהָטִ֖ים בְּשִֽׁקֲת֣וֹת הַמָּ֑יִם אֲשֶׁר֩ תָּבֹ֨אןָ הַצֹּ֤אן לִשְׁתּוֹת֙ לְנֹ֣כַח הַצֹּ֔אן וַיֵּחַ֖מְנָה בְּבֹאָ֥ן לִשְׁתּֽוֹת

and to set · - · the staves · which · to peel · in/at the troughs · in/at watering troughs of · the water(s) · which · to enter · the flock · to drink · to/for opposite · the flock · and to conceive · in/at to enter them · to drink

וַיֶּחֱמ֥וּ הַצֹּ֖אן אֶל הַמַּקְל֑וֹת וַתֵּלַ֣דְןָ הַצֹּ֔אן עֲקֻדִּ֥ים נְקֻדִּ֖ים וּטְלֻאִֽים

and to conceive · the flock · to · the staves · and to bear · the flock · striped · speckled · and spotted

LXX Septuagint runs longer here

וְהַכְּשָׂבִים֮ הִפְרִ֣יד יַעֲקֹב֒ וַ֠יִּתֵּן פְּנֵ֨י הַצֹּ֧אן אֶל עָקֹ֛ד וְכָל ח֖וּם בְּצֹ֣אן לָבָ֑ן וַיָּֽשֶׁת ל֤וֹ עֲדָרִים֙ לְבַדּ֔וֹ וְלֹ֥א שָׁתָ֖ם עַל צֹ֥אן לָבָֽן

and the lambs · to divide · Jacob · and to give · face(s) of · the flock · to · striped · and all of · dark · in/at flock of · Laban · and to set · to/for him · flocks · to/for apart his · and not · to set them · upon · flock of · Laban

וְהָיָ֗ה בְּכָל יַחֵם֮ הַצֹּ֣אן הַמְקֻשָּׁרוֹת֒ וְשָׂ֨ם יַעֲקֹ֧ב אֶת הַמַּקְל֛וֹת לְעֵינֵ֥י הַצֹּ֖אן בָּרֳהָטִ֑ים לְיַחְמֵ֖נָּה בַּמַּקְלֽוֹת

and to be · in/at all of · to conceive · the flock · the bound · and to put · Jacob · - · the staves · to/for eyes of · the flock · in/at the troughs · to conceive her · in/at the staves

וּבְהַעֲטִ֥יף הַצֹּ֖אן לֹ֣א יָשִׂ֑ים וְהָיָ֤ה הָעֲטֻפִים֙ לְלָבָ֔ן וְהַקְּשֻׁרִ֖ים לְיַעֲקֹֽב

and in/at to faint · the flock · not · to put · and to be · the fainted · to/for Laban · and the bound · to/for Jacob

וַיִּפְרֹ֥ץ הָאִ֖ישׁ מְאֹ֣ד מְאֹ֑ד וַֽיְהִי לוֹ֙ צֹ֣אן רַבּ֔וֹת וּשְׁפָחוֹת֙ וַעֲבָדִ֔ים וּגְמַלִּ֖ים וַחֲמֹרִֽים

and to break through · the man · exceedingly · exceedingly · and to be · to/for him · flock · many · and maids · and servants · and camels · and donkeys

LXX Septuagint runs longer here