Exodus 34

וַיֹּ֤אמֶר יְהוָה֙ אֶל מֹשֶׁ֔ה פְּסָל לְךָ֛ שְׁנֵֽי לֻחֹ֥ת אֲבָנִ֖ים כָּרִאשֹׁנִ֑ים וְכָתַבְתִּי֙ עַל הַלֻּחֹ֔ת אֶת הַדְּבָרִ֔ים אֲשֶׁ֥ר הָי֛וּ עַל הַלֻּחֹ֥ת הָרִאשֹׁנִ֖ים אֲשֶׁ֥ר שִׁבַּֽרְתָּ

and to say · LORD · to · Moses · hew · to/for you · two · planks of · stones · like/as the first · and to write · upon · the planks · - · the words · which · to be · upon · the planks · the first · which · to break

LXX Septuagint runs longer here

וֶהְיֵ֥ה נָכ֖וֹן לַבֹּ֑קֶר וְעָלִ֤יתָ בַבֹּ֨קֶר֙ אֶל הַ֣ר סִינַ֔י וְנִצַּבְתָּ֥ לִ֛י שָׁ֖ם עַל רֹ֥אשׁ הָהָֽר

and be · being established · to/for the morning · and to go up · in/at the morning · to · mountain of · Sinai · and to stand · to/for me · there · upon · head of · the mountain

וְאִישׁ֙ לֹֽא יַעֲלֶ֣ה עִמָּ֔ךְ וְגַם אִ֥ישׁ אַל יֵרָ֖א בְּכָל הָהָ֑ר גַּם הַצֹּ֤אן וְהַבָּקָר֙ אַל יִרְע֔וּ אֶל מ֖וּל הָהָ֥ר הַהֽוּא

and man · not · to go up · with you · and also · man · not · to see · in/at all of · the mountain · also · the flock · and the cattle · not · to shepherd · to · front · the mountain · the he

וַיִּפְסֹ֡ל שְׁנֵֽי לֻחֹ֨ת אֲבָנִ֜ים כָּרִאשֹׁנִ֗ים וַיַּשְׁכֵּ֨ם מֹשֶׁ֤ה בַבֹּ֨קֶר֙ וַיַּ֨עַל֙ אֶל הַ֣ר סִינַ֔י כַּאֲשֶׁ֛ר צִוָּ֥ה יְהוָ֖ה אֹת֑וֹ וַיִּקַּ֣ח בְּיָד֔וֹ שְׁנֵ֖י לֻחֹ֥ת אֲבָנִֽים

and to hew · two · planks of · stones · like/as the first · and to rise early · Moses · in/at the morning · and to go up · to · mountain of · Sinai · like/as which · to command · LORD · - him · and to take · in/at hand his · two · planks of · stones

וַיֵּ֤רֶד יְהוָה֙ בֶּֽעָנָ֔ן וַיִּתְיַצֵּ֥ב עִמּ֖וֹ שָׁ֑ם וַיִּקְרָ֥א בְשֵׁ֖ם יְהוָֽה

and to go down · LORD · in/at the cloud · and to stand · with him · there · and to call · in/at name of · LORD

וַיַּעֲבֹ֨ר יְהוָ֥ה עַל פָּנָיו֮ וַיִּקְרָא֒ יְהוָ֣ה יְהוָ֔ה אֵ֥ל רַח֖וּם וְחַנּ֑וּן אֶ֥רֶךְ אַפַּ֖יִם וְרַב חֶ֥סֶד וֶאֱמֶֽת

and to pass over · LORD · upon · face(s) his · and to call · LORD · LORD · God · compassionate · and gracious · patient of · nostrils · and many of · kindness · and faithfulness

נֹצֵ֥ר חֶ֨סֶד֙ לָאֲלָפִ֔ים נֹשֵׂ֥א עָוֺ֛ן וָפֶ֖שַׁע וְחַטָּאָ֑ה וְנַקֵּה֙ לֹ֣א יְנַקֶּ֔ה פֹּקֵ֣ד עֲוֺ֣ן אָב֗וֹת עַל בָּנִים֙ וְעַל בְּנֵ֣י בָנִ֔ים עַל שִׁלֵּשִׁ֖ים וְעַל רִבֵּעִֽים

guarding · kindness · to/for the thousand · lifting · iniquity · and transgression · and sin offering · and to be pure · not · to be pure · visiting · iniquity of · fathers · upon · sons · and upon · sons of · sons · upon · third generation · and upon · fourth generation

וַיְמַהֵ֖ר מֹשֶׁ֑ה וַיִּקֹּ֥ד אַ֖רְצָה וַיִּשְׁתָּֽחוּ

and to hasten · Moses · and to bow down · land toward · and to bow down

וַיֹּ֡אמֶר אִם נָא֩ מָצָ֨אתִי חֵ֤ן בְּעֵינֶ֨יךָ֙ אֲדֹנָ֔י יֵֽלֶךְ נָ֥א אֲדֹנָ֖י בְּקִרְבֵּ֑נוּ כִּ֤י עַם קְשֵׁה עֹ֨רֶף֙ ה֔וּא וְסָלַחְתָּ֛ לַעֲוֺנֵ֥נוּ וּלְחַטָּאתֵ֖נוּ וּנְחַלְתָּֽנוּ

and to say · if · please · to find · grace · in/at eyes your · Lord my · to walk · please · Lord my · in/at midst our · that · people · hard of · neck · he · and to forgive · to/for iniquity our · and to/for sin offering our · and to inherit us

וַיֹּ֗אמֶר הִנֵּ֣ה אָנֹכִי֮ כֹּרֵ֣ת בְּרִית֒ נֶ֤גֶד כָּֽל עַמְּךָ֙ אֶעֱשֶׂ֣ה נִפְלָאֹ֔ת אֲשֶׁ֛ר לֹֽא נִבְרְא֥וּ בְכָל הָאָ֖רֶץ וּבְכָל הַגּוֹיִ֑ם וְרָאָ֣ה כָל הָ֠עָם אֲשֶׁר אַתָּ֨ה בְקִרְבּ֜וֹ אֶת מַעֲשֵׂ֤ה יְהוָה֙ כִּֽי נוֹרָ֣א ה֔וּא אֲשֶׁ֥ר אֲנִ֖י עֹשֶׂ֥ה עִמָּֽךְ

and to say · behold · I · cutting · covenant · before · all of · people your · to do · being wonderful · which · not · to create · in/at all of · the land · and in/at all of · the nations · and to see · all of · the people · which · you · in/at midst his · - · work of · LORD · that · fearing · he · which · I · doing · with you

שְׁמָ֨ר לְךָ֔ אֵ֛ת אֲשֶׁ֥ר אָנֹכִ֖י מְצַוְּךָ֣ הַיּ֑וֹם הִנְנִ֧י גֹרֵ֣שׁ מִפָּנֶ֗יךָ אֶת הָאֱמֹרִי֙ וְהַֽכְּנַעֲנִ֔י וְהַחִתִּי֙ וְהַפְּרִזִּ֔י וְהַחִוִּ֖י וְהַיְבוּסִֽי

keep · to/for you · - · which · I · commanding you · the day · behold me · driving out · from face(s) your · - · the Amorite · and the Canaanite · and the Hittite · and the Perizzite · and the Hivite · and the Jebusite

הִשָּׁ֣מֶר לְךָ֗ פֶּן תִּכְרֹ֤ת בְּרִית֙ לְיוֹשֵׁ֣ב הָאָ֔רֶץ אֲשֶׁ֥ר אַתָּ֖ה בָּ֣א עָלֶ֑יהָ פֶּן יִהְיֶ֥ה לְמוֹקֵ֖שׁ בְּקִרְבֶּֽךָ

keep · to/for you · lest · to cut · covenant · to/for dwelling · the land · which · you · entering · upon her · lest · to be · to/for snare · in/at midst your

כִּ֤י אֶת מִזְבְּחֹתָם֙ תִּתֹּצ֔וּן וְאֶת מַצֵּבֹתָ֖ם תְּשַׁבֵּר֑וּן וְאֶת אֲשֵׁרָ֖יו תִּכְרֹתֽוּן

that · - · altars their · to tear down · and - · pillars their · to break · and - · Asherah his · to cut

LXX Septuagint runs longer here

כִּ֛י לֹ֥א תִֽשְׁתַּחֲוֶ֖ה לְאֵ֣ל אַחֵ֑ר כִּ֤י יְהוָה֙ קַנָּ֣א שְׁמ֔וֹ אֵ֥ל קַנָּ֖א הֽוּא

that · not · to bow down · to/for God · other · that · LORD · jealous · name his · God · jealous · he

פֶּן תִּכְרֹ֥ת בְּרִ֖ית לְיוֹשֵׁ֣ב הָאָ֑רֶץ וְזָנ֣וּ אַחֲרֵ֣י אֱלֹֽהֵיהֶ֗ם וְזָבְחוּ֙ לֵאלֹ֣הֵיהֶ֔ם וְקָרָ֣א לְךָ֔ וְאָכַלְתָּ֖ מִזִּבְחֽוֹ

lest · to cut · covenant · to/for dwelling · the land · and to commit fornication · after · God(s) their · and to sacrifice · to/for God(s) their · and to call · to/for you · and to eat · from sacrifice his

וְלָקַחְתָּ֥ מִבְּנֹתָ֖יו לְבָנֶ֑יךָ וְזָנ֣וּ בְנֹתָ֗יו אַחֲרֵי֙ אֱלֹ֣הֵיהֶ֔ן וְהִזְנוּ֙ אֶת בָּנֶ֔יךָ אַחֲרֵ֖י אֱלֹהֵיהֶֽן

and to take · from daughters his · to/for sons your · and to commit fornication · daughters his · after · God(s) their · and to commit fornication · - · sons your · after · God(s) their

LXX Septuagint runs longer here

אֱלֹהֵ֥י מַסֵּכָ֖ה לֹ֥א תַעֲשֶׂה לָּֽךְ

God(s) of · molten image · not · to do · to/for you

אֶת חַ֣ג הַמַּצּוֹת֮ תִּשְׁמֹר֒ שִׁבְעַ֨ת יָמִ֜ים תֹּאכַ֤ל מַצּוֹת֙ אֲשֶׁ֣ר צִוִּיתִ֔ךָ לְמוֹעֵ֖ד חֹ֣דֶשׁ הָאָבִ֑יב כִּ֚י בְּחֹ֣דֶשׁ הָֽאָבִ֔יב יָצָ֖אתָ מִמִּצְרָֽיִם

- · feast of · the unleavened bread · to keep · seven · days · to eat · unleavened bread · which · to command you · to/for appointed time of · month of · the barley · that · in/at month of · the barley · to go out · from Egypt

כָּל פֶּ֥טֶר רֶ֖חֶם לִ֑י וְכָֽל מִקְנְךָ֙ תִּזָּכָ֔ר פֶּ֖טֶר שׁ֥וֹר וָשֶֽׂה

all of · firstborn of · womb · to/for me · and all of · cattle your · to remember · firstborn of · ox · and sheep

וּפֶ֤טֶר חֲמוֹר֙ תִּפְדֶּ֣ה בְשֶׂ֔ה וְאִם לֹ֥א תִפְדֶּ֖ה וַעֲרַפְתּ֑וֹ כֹּ֣ל בְּכ֤וֹר בָּנֶ֨יךָ֙ תִּפְדֶּ֔ה וְלֹֽא יֵרָא֥וּ פָנַ֖י רֵיקָֽם

and firstborn of · donkey · to redeem · in/at sheep · and if · not · to redeem · and to break neck him · all of · firstborn of · sons your · to redeem · and not · to see · face(s) my · in vain

שֵׁ֤שֶׁת יָמִים֙ תַּעֲבֹ֔ד וּבַיּ֥וֹם הַשְּׁבִיעִ֖י תִּשְׁבֹּ֑ת בֶּחָרִ֥ישׁ וּבַקָּצִ֖יר תִּשְׁבֹּֽת

six · days · to serve · and in/at the day · the seventh · to cease · in/at the ploughing · and in/at the harvest · to cease

וְחַ֤ג שָׁבֻעֹת֙ תַּעֲשֶׂ֣ה לְךָ֔ בִּכּוּרֵ֖י קְצִ֣יר חִטִּ֑ים וְחַג֙ הָֽאָסִ֔יף תְּקוּפַ֖ת הַשָּׁנָֽה

and feast of · weeks · to do · to/for you · firstfruits of · harvest of · wheat · and feast of · the harvest · circuit of · the year

שָׁלֹ֥שׁ פְּעָמִ֖ים בַּשָּׁנָ֑ה יֵרָאֶה֙ כָּל זְכ֣וּרְךָ֔ אֶת פְּנֵ֛י הָֽאָדֹ֥ן יְהוָ֖ה אֱלֹהֵ֥י יִשְׂרָאֵֽל

three · times · in/at the year · to see · all of · male your · - · face(s) of · the lord · LORD · God(s) of · Israel

כִּֽי אוֹרִ֤ישׁ גּוֹיִם֙ מִפָּנֶ֔יךָ וְהִרְחַבְתִּ֖י אֶת גְּבוּלֶ֑ךָ וְלֹא יַחְמֹ֥ד אִישׁ֙ אֶֽת אַרְצְךָ֔ בַּעֲלֹֽתְךָ֗ לֵרָאוֹת֙ אֶת פְּנֵי֙ יְהוָ֣ה אֱלֹהֶ֔יךָ שָׁלֹ֥שׁ פְּעָמִ֖ים בַּשָּׁנָֽה

that · to inherit · nations · from face(s) your · and to grow wide · - · border your · and not · to desire · man · - · land your · in/at to go up you · to see · - · face(s) of · LORD · God(s) your · three · times · in/at the year

לֹֽא תִשְׁחַ֥ט עַל חָמֵ֖ץ דַּם זִבְחִ֑י וְלֹא יָלִ֣ין לַבֹּ֔קֶר זֶ֖בַח חַ֥ג הַפָּֽסַח

not · to slaughter · upon · leaven · blood of · sacrifice my · and not · to lodge · to/for the morning · sacrifice of · feast of · the Passover

רֵאשִׁ֗ית בִּכּוּרֵי֙ אַדְמָ֣תְךָ֔ תָּבִ֕יא בֵּ֖ית יְהוָ֣ה אֱלֹהֶ֑יךָ לֹא תְבַשֵּׁ֥ל גְּדִ֖י בַּחֲלֵ֥ב אִמּֽוֹ

beginning of · firstfruits of · ground your · to enter · house of · LORD · God(s) your · not · to boil · kid · in/at milk of · mother his

וַיֹּ֤אמֶר יְהוָה֙ אֶל מֹשֶׁ֔ה כְּתָב לְךָ֖ אֶת הַדְּבָרִ֣ים הָאֵ֑לֶּה כִּ֞י עַל פִּ֣י הַדְּבָרִ֣ים הָאֵ֗לֶּה כָּרַ֧תִּי אִתְּךָ֛ בְּרִ֖ית וְאֶת יִשְׂרָאֵֽל

and to say · LORD · to · Moses · write · to/for you · - · the words · the these · that · upon · mouth of · the words · the these · to cut · with you · covenant · and with · Israel

וַֽיְהִי שָׁ֣ם עִם יְהוָ֗ה אַרְבָּעִ֥ים יוֹם֙ וְאַרְבָּעִ֣ים לַ֔יְלָה לֶ֚חֶם לֹ֣א אָכַ֔ל וּמַ֖יִם לֹ֣א שָׁתָ֑ה וַיִּכְתֹּ֣ב עַל הַלֻּחֹ֗ת אֵ֚ת דִּבְרֵ֣י הַבְּרִ֔ית עֲשֶׂ֖רֶת הַדְּבָרִֽים

and to be · there · with · LORD · forty · day · and forty · night · bread · not · to eat · and water(s) · not · to drink · and to write · upon · the planks · - · words of · the covenant · ten · the words

וַיְהִ֗י בְּרֶ֤דֶת מֹשֶׁה֙ מֵהַ֣ר סִינַ֔י וּשְׁנֵ֨י לֻחֹ֤ת הָֽעֵדֻת֙ בְּיַד מֹשֶׁ֔ה בְּרִדְתּ֖וֹ מִן הָהָ֑ר וּמֹשֶׁ֣ה לֹֽא יָדַ֗ע כִּ֥י קָרַ֛ן ע֥וֹר פָּנָ֖יו בְּדַבְּר֥וֹ אִתּֽוֹ

and to be · in/at to go down · Moses · from mountain of · Sinai · and two · planks of · the testimony · in/at hand of · Moses · in/at to go down him · from · the mountain · and Moses · not · to know · that · to shine · skin of · face(s) his · in/at to speak him · with him

וַיַּ֨רְא אַהֲרֹ֜ן וְכָל בְּנֵ֤י יִשְׂרָאֵל֙ אֶת מֹשֶׁ֔ה וְהִנֵּ֥ה קָרַ֖ן ע֣וֹר פָּנָ֑יו וַיִּֽירְא֖וּ מִגֶּ֥שֶׁת אֵלָֽיו

and to see · Aaron · and all of · sons of · Israel · - · Moses · and behold · to shine · skin of · face(s) his · and to fear · from to approach · to him

וַיִּקְרָ֤א אֲלֵהֶם֙ מֹשֶׁ֔ה וַיָּשֻׁ֧בוּ אֵלָ֛יו אַהֲרֹ֥ן וְכָל הַנְּשִׂאִ֖ים בָּעֵדָ֑ה וַיְדַבֵּ֥ר מֹשֶׁ֖ה אֲלֵהֶֽם

and to call · to them · Moses · and to return · to him · Aaron · and all of · the chiefs · in/at the congregation · and to speak · Moses · to them

וְאַחֲרֵי כֵ֥ן נִגְּשׁ֖וּ כָּל בְּנֵ֣י יִשְׂרָאֵ֑ל וַיְצַוֵּ֕ם אֵת֩ כָּל אֲשֶׁ֨ר דִּבֶּ֧ר יְהוָ֛ה אִתּ֖וֹ בְּהַ֥ר סִינָֽי

and after · thus · to approach · all of · sons of · Israel · and to command them · - · all of · which · to speak · LORD · with him · in/at mountain of · Sinai

וַיְכַ֣ל מֹשֶׁ֔ה מִדַּבֵּ֖ר אִתָּ֑ם וַיִּתֵּ֥ן עַל פָּנָ֖יו מַסְוֶֽה

and to finish · Moses · from to speak · with them · and to give · upon · face(s) his · veil

וּבְבֹ֨א מֹשֶׁ֜ה לִפְנֵ֤י יְהוָה֙ לְדַבֵּ֣ר אִתּ֔וֹ יָסִ֥יר אֶת הַמַּסְוֶ֖ה עַד צֵאת֑וֹ וְיָצָ֗א וְדִבֶּר֙ אֶל בְּנֵ֣י יִשְׂרָאֵ֔ל אֵ֖ת אֲשֶׁ֥ר יְצֻוֶּֽה

and in/at to enter · Moses · to/for face(s) of · LORD · to speak · with him · to turn aside · - · the veil · until · to go out him · and to go out · and to speak · to · sons of · Israel · - · which · to command

וְרָא֤וּ בְנֵֽי יִשְׂרָאֵל֙ אֶת פְּנֵ֣י מֹשֶׁ֔ה כִּ֣י קָרַ֔ן ע֖וֹר פְּנֵ֣י מֹשֶׁ֑ה וְהֵשִׁ֨יב מֹשֶׁ֤ה אֶת הַמַּסְוֶה֙ עַל פָּנָ֔יו עַד בֹּא֖וֹ לְדַבֵּ֥ר אִתּֽוֹ

and to see · sons of · Israel · - · face(s) of · Moses · that · to shine · skin of · face(s) of · Moses · and to return · Moses · - · the veil · upon · face(s) his · until · to enter him · to speak · with him