1 Samuel 1

וַיְהִי֩ אִ֨ישׁ אֶחָ֜ד מִן הָרָמָתַ֛יִם צוֹפִ֖ים מֵהַ֣ר אֶפְרָ֑יִם וּשְׁמ֡וֹ אֶ֠לְקָנָה בֶּן יְרֹחָ֧ם בֶּן אֱלִיה֛וּא בֶּן תֹּ֥חוּ בֶן צ֖וּף אֶפְרָתִֽי

and to be · man · one · from · the Ramathaim-zophim · Ramathaim-zophim · from mountain of · Ephraim · and name his · Elkanah · son of · Jeroham · son of · Elihu · son of · Tohu · son of · Zuph · Ephrathite

וְלוֹ֙ שְׁתֵּ֣י נָשִׁ֔ים שֵׁ֤ם אַחַת֙ חַנָּ֔ה וְשֵׁ֥ם הַשֵּׁנִ֖ית פְּנִנָּ֑ה וַיְהִ֤י לִפְנִנָּה֙ יְלָדִ֔ים וּלְחַנָּ֖ה אֵ֥ין יְלָדִֽים

and to/for him · two · women · name of · one · Hannah · and name of · the second · Peninnah · and to be · to/for Peninnah · children · and to/for Hannah · nothing · children

וְעָלָה֩ הָאִ֨ישׁ הַה֤וּא מֵֽעִירוֹ֙ מִיָּמִ֣ים יָמִ֔ימָה לְהִֽשְׁתַּחֲוֺ֧ת וְלִזְבֹּ֛חַ לַיהוָ֥ה צְבָא֖וֹת בְּשִׁלֹ֑ה וְשָׁ֞ם שְׁנֵ֣י בְנֵֽי עֵלִ֗י חָפְנִי֙ וּפִ֣נְחָ֔ס כֹּהֲנִ֖ים לַיהוָֽה

and to go up · the man · the he · from city his · from days · days toward · to bow down · and to sacrifice · to/for LORD · armies · in/at Shiloh · and there · two · sons of · Eli · Hophni · and Phinehas · priests · to/for LORD

וַיְהִ֣י הַיּ֔וֹם וַיִּזְבַּ֖ח אֶלְקָנָ֑ה וְנָתַ֞ן לִפְנִנָּ֣ה אִשְׁתּ֗וֹ וּֽלְכָל בָּנֶ֛יהָ וּבְנוֹתֶ֖יהָ מָנֽוֹת

and to be · the day · and to sacrifice · Elkanah · and to give · to/for Peninnah · woman his · and to/for all of · sons her · and daughters her · portions

וּלְחַנָּ֕ה יִתֵּ֛ן מָנָ֥ה אַחַ֖ת אַפָּ֑יִם כִּ֤י אֶת חַנָּה֙ אָהֵ֔ב וַֽיהוָ֖ה סָגַ֥ר רַחְמָֽהּ

and to/for Hannah · to give · portion · one · nostrils · that · - · Hannah · to love · and LORD · to shut · womb her

LXX Septuagint runs longer here

וְכִֽעֲסַ֤תָּה צָֽרָתָהּ֙ גַּם כַּ֔עַס בַּעֲב֖וּר הַרְּעִמָ֑הּ כִּֽי סָגַ֥ר יְהוָ֖ה בְּעַ֥ד רַחְמָֽהּ

and to be angry her · distress her · also · anger · in/at because of of · to thunder her · that · to shut · LORD · behind · womb her

LXX Septuagint runs longer here

וְכֵ֨ן יַעֲשֶׂ֜ה שָׁנָ֣ה בְשָׁנָ֗ה מִדֵּ֤י עֲלֹתָהּ֙ בְּבֵ֣ית יְהוָ֔ה כֵּ֖ן תַּכְעִסֶ֑נָּה וַתִּבְכֶּ֖ה וְלֹ֥א תֹאכַֽל

and thus · to do · year · in/at year · from enough of · to go up her · in/at house of · LORD · thus · to be angry her · and to weep · and not · to eat

וַיֹּ֨אמֶר לָ֜הּ אֶלְקָנָ֣ה אִישָׁ֗הּ חַנָּה֙ לָ֣מֶה תִבְכִּ֗י וְלָ֨מֶה֙ לֹ֣א תֹֽאכְלִ֔י וְלָ֖מֶה יֵרַ֣ע לְבָבֵ֑ךְ הֲל֤וֹא אָֽנֹכִי֙ ט֣וֹב לָ֔ךְ מֵעֲשָׂרָ֖ה בָּנִֽים

and to say · to/for her · Elkanah · man her · Hannah · to/for what · to weep · and to/for what · not · to eat · and to/for what · to tremble · heart your · not · I · good · to/for you · from ten · sons

LXX Septuagint runs longer here

וַתָּ֣קָם חַנָּ֔ה אַחֲרֵ֛י אָכְלָ֥ה בְשִׁלֹ֖ה וְאַחֲרֵ֣י שָׁתֹ֑ה וְעֵלִ֣י הַכֹּהֵ֗ן יֹשֵׁב֙ עַל הַכִּסֵּ֔א עַל מְזוּזַ֖ת הֵיכַ֥ל יְהוָֽה

and to rise · Hannah · after · to eat · in/at Shiloh · and after · to drink · and Eli · the priest · dwelling · upon · the throne · upon · doorpost of · temple of · LORD

וְהִ֖יא מָ֣רַת נָ֑פֶשׁ וַתִּתְפַּלֵּ֥ל עַל יְהוָ֖ה וּבָכֹ֥ה תִבְכֶּֽה

and he · bitter of · soul · and to pray · upon · LORD · and to weep · to weep

וַתִּדֹּ֨ר נֶ֜דֶר וַתֹּאמַ֗ר יְהוָ֨ה צְבָא֜וֹת אִם רָאֹ֥ה תִרְאֶ֣ה בָּעֳנִ֣י אֲמָתֶ֗ךָ וּזְכַרְתַּ֨נִי֙ וְלֹֽא תִשְׁכַּ֣ח אֶת אֲמָתֶ֔ךָ וְנָתַתָּ֥ה לַאֲמָתְךָ֖ זֶ֣רַע אֲנָשִׁ֑ים וּנְתַתִּ֤יו לַֽיהוָה֙ כָּל יְמֵ֣י חַיָּ֔יו וּמוֹרָ֖ה לֹא יַעֲלֶ֥ה עַל רֹאשֽׁוֹ

and to vow · vow · and to say · LORD · armies · if · to see · to see · in/at affliction of · maid your · and to remember me · and not · to forget · - · maid your · and to give · to/for maid your · seed of · men · and to give him · to/for LORD · all of · days of · living things his · and razor · not · to go up · upon · head his

וְהָיָה֙ כִּ֣י הִרְבְּתָ֔ה לְהִתְפַּלֵּ֖ל לִפְנֵ֣י יְהוָ֑ה וְעֵלִ֖י שֹׁמֵ֥ר אֶת פִּֽיהָ

and to be · that · to multiply · to pray · to/for face(s) of · LORD · and Eli · keeping · - · mouth her

LXX Septuagint runs longer here

וְחַנָּ֗ה הִ֚יא מְדַבֶּ֣רֶת עַל לִבָּ֔הּ רַ֚ק שְׂפָתֶ֣יהָ נָּע֔וֹת וְקוֹלָ֖הּ לֹ֣א יִשָּׁמֵ֑עַ וַיַּחְשְׁבֶ֥הָ עֵלִ֖י לְשִׁכֹּרָֽה

and Hannah · he · speaking · upon · heart her · only · lips her · shaking · and voice her · not · to hear · and to think her · Eli · to/for drunken

וַיֹּ֤אמֶר אֵלֶ֨יהָ֙ עֵלִ֔י עַד מָתַ֖י תִּשְׁתַּכָּרִ֑ין הָסִ֥ירִי אֶת יֵינֵ֖ךְ מֵעָלָֽיִךְ

and to say · to her · Eli · until · how long · to be drunk · turn aside · - · wine your · from upon you

LXX Septuagint runs longer here

וַתַּ֨עַן חַנָּ֤ה וַתֹּ֨אמֶר֙ לֹ֣א אֲדֹנִ֔י אִשָּׁ֤ה קְשַׁת ר֨וּחַ֙ אָנֹ֔כִי וְיַ֥יִן וְשֵׁכָ֖ר לֹ֣א שָׁתִ֑יתִי וָאֶשְׁפֹּ֥ךְ אֶת נַפְשִׁ֖י לִפְנֵ֥י יְהוָֽה

and to answer · Hannah · and to say · not · lord my · woman · hard of · spirit · I · and wine · and strong drink · not · to drink · and to pour · - · soul my · to/for face(s) of · LORD

אַל תִּתֵּן֙ אֶת אֲמָ֣תְךָ֔ לִפְנֵ֖י בַּת בְּלִיָּ֑עַל כִּֽי מֵרֹ֥ב שִׂיחִ֛י וְכַעְסִ֖י דִּבַּ֥רְתִּי עַד הֵֽנָּה

not · to give · - · maid your · to/for face(s) of · daughter of · worthlessness · that · from multitude of · meditation my · and anger my · to speak · until · here

וַיַּ֧עַן עֵלִ֛י וַיֹּ֖אמֶר לְכִ֣י לְשָׁל֑וֹם וֵאלֹהֵ֣י יִשְׂרָאֵ֗ל יִתֵּן֙ אֶת שֵׁ֣לָתֵ֔ךְ אֲשֶׁ֥ר שָׁאַ֖לְתְּ מֵעִמּֽוֹ

and to answer · Eli · and to say · walk · to/for peace · and God(s) of · Israel · to give · - · petition your · which · to ask · from with him

וַתֹּ֕אמֶר תִּמְצָ֧א שִׁפְחָתְךָ֛ חֵ֖ן בְּעֵינֶ֑יךָ וַתֵּ֨לֶךְ הָאִשָּׁ֤ה לְדַרְכָּהּ֙ וַתֹּאכַ֔ל וּפָנֶ֥יהָ לֹא הָיוּ לָ֖הּ עֽוֹד

and to say · to find · maid your · grace · in/at eyes your · and to walk · the woman · to/for way her · and to eat · and face(s) her · not · to be · to/for her · still

וַיַּשְׁכִּ֣מוּ בַבֹּ֗קֶר וַיִּֽשְׁתַּחֲווּ֙ לִפְנֵ֣י יְהוָ֔ה וַיָּשֻׁ֛בוּ וַיָּבֹ֥אוּ אֶל בֵּיתָ֖ם הָרָמָ֑תָה וַיֵּ֤דַע אֶלְקָנָה֙ אֶת חַנָּ֣ה אִשְׁתּ֔וֹ וַיִּֽזְכְּרֶ֖הָ יְהוָֽה

and to rise early · in/at the morning · and to bow down · to/for face(s) of · LORD · and to return · and to enter · to · house their · the Ramah toward · and to know · Elkanah · - · Hannah · woman his · and to remember her · LORD

וַיְהִי֙ לִתְקֻפ֣וֹת הַיָּמִ֔ים וַתַּ֥הַר חַנָּ֖ה וַתֵּ֣לֶד בֵּ֑ן וַתִּקְרָ֤א אֶת שְׁמוֹ֙ שְׁמוּאֵ֔ל כִּ֥י מֵיְהוָ֖ה שְׁאִלְתִּֽיו

and to be · to/for circuits of · the days · and to conceive · Hannah · and to bear · son · and to call · - · name his · Samuel · that · from LORD · to ask him

וַיַּ֛עַל הָאִ֥ישׁ אֶלְקָנָ֖ה וְכָל בֵּית֑וֹ לִזְבֹּ֧חַ לַֽיהוָ֛ה אֶת זֶ֥בַח הַיָּמִ֖ים וְאֶת נִדְרֽוֹ

and to go up · the man · Elkanah · and all of · house his · to sacrifice · to/for LORD · - · sacrifice of · the days · and - · vow his

LXX Septuagint runs longer here

וְחַנָּ֖ה לֹ֣א עָלָ֑תָה כִּֽי אָמְרָ֣ה לְאִישָׁ֗הּ עַ֣ד יִגָּמֵ֤ל הַנַּ֨עַר֙ וַהֲבִאֹתִ֗יו וְנִרְאָה֙ אֶת פְּנֵ֣י יְהוָ֔ה וְיָ֥שַׁב שָׁ֖ם עַד עוֹלָֽם

and Hannah · not · to go up · that · to say · to/for man her · until · to recompense · the boy · and to enter him · and to see · with · face(s) of · LORD · and to dwell · there · until · forever

וַיֹּ֣אמֶר לָהּ֩ אֶלְקָנָ֨ה אִישָׁ֜הּ עֲשִׂ֧י הַטּ֣וֹב בְּעֵינַ֗יִךְ שְׁבִי֙ עַד גָּמְלֵ֣ךְ אֹת֔וֹ אַ֛ךְ יָקֵ֥ם יְהוָ֖ה אֶת דְּבָר֑וֹ וַתֵּ֤שֶׁב הָֽאִשָּׁה֙ וַתֵּ֣ינֶק אֶת בְּנָ֔הּ עַד גָּמְלָ֖הּ אֹתֽוֹ

and to say · to/for her · Elkanah · man her · do · the good · in/at eyes your · dwell · until · to recompense you · - him · surely · to rise · LORD · - · word his · and to dwell · the woman · and to nurse · - · son her · until · to recompense her · - him

LXX Septuagint runs longer here

וַתַּעֲלֵ֨הוּ עִמָּ֜הּ כַּאֲשֶׁ֣ר גְּמָלַ֗תּוּ בְּפָרִ֤ים שְׁלֹשָׁה֙ וְאֵיפָ֨ה אַחַ֥ת קֶ֨מַח֙ וְנֵ֣בֶל יַ֔יִן וַתְּבִאֵ֥הוּ בֵית יְהוָ֖ה שִׁל֑וֹ וְהַנַּ֖עַר נָֽעַר

and to go up him · with her · like/as which · to recompense him · in/at bullocks · three · and ephah · one · flour · and skin bottle of · wine · and to enter him · house of · LORD · Shiloh · and the boy · boy

וַֽיִּשְׁחֲט֖וּ אֶת הַפָּ֑ר וַיָּבִ֥יאוּ אֶת הַנַּ֖עַר אֶל עֵלִֽי

and to slaughter · - · the bullock · and to enter · - · the boy · to · Eli

LXX Septuagint runs longer here

וַתֹּ֨אמֶר֙ בִּ֣י אֲדֹנִ֔י חֵ֥י נַפְשְׁךָ֖ אֲדֹנִ֑י אֲנִ֣י הָאִשָּׁ֗ה הַנִּצֶּ֤בֶת עִמְּכָה֙ בָּזֶ֔ה לְהִתְפַּלֵּ֖ל אֶל יְהוָֽה

and to say · please · lord my · living · soul your · lord my · I · the woman · the standing · with you · in/at this · to pray · to · LORD

אֶל הַנַּ֥עַר הַזֶּ֖ה הִתְפַּלָּ֑לְתִּי וַיִּתֵּ֨ן יְהוָ֥ה לִי֙ אֶת שְׁאֵ֣לָתִ֔י אֲשֶׁ֥ר שָׁאַ֖לְתִּי מֵעִמּֽוֹ

to · the boy · the this · to pray · and to give · LORD · to/for me · - · petition my · which · to ask · from with him

וְגַ֣ם אָנֹכִ֗י הִשְׁאִלְתִּ֨הוּ֙ לַֽיהוָ֔ה כָּל הַיָּמִים֙ אֲשֶׁ֣ר הָיָ֔ה ה֥וּא שָׁא֖וּל לַֽיהוָ֑ה וַיִּשְׁתַּ֥חוּ שָׁ֖ם לַיהוָֽה

and also · I · to ask him · to/for LORD · all of · the days · which · to be · he · asked · to/for LORD · and to bow down · there · to/for LORD