Judges 4

וַיֹּסִ֨פוּ֙ בְּנֵ֣י יִשְׂרָאֵ֔ל לַעֲשׂ֥וֹת הָרַ֖ע בְּעֵינֵ֣י יְהוָ֑ה וְאֵה֖וּד מֵֽת

and to add · sons of · Israel · to do · the evil · in/at eyes of · LORD · and Ehud · to die

וַיִּמְכְּרֵ֣ם יְהוָ֗ה בְּיַד֙ יָבִ֣ין מֶֽלֶךְ כְּנַ֔עַן אֲשֶׁ֥ר מָלַ֖ךְ בְּחָצ֑וֹר וְשַׂר צְבָאוֹ֙ סִֽיסְרָ֔א וְה֥וּא יוֹשֵׁ֖ב בַּחֲרֹ֥שֶׁת הַגּוֹיִֽם

and to sell them · LORD · in/at hand of · Jabin · king of · Canaan · which · to reign · in/at Hazor · and prince of · army his · Sisera · and he · dwelling · in/at Harosheth · nation

וַיִּצְעֲק֥וּ בְנֵֽי יִשְׂרָאֵ֖ל אֶל יְהוָ֑ה כִּ֠י תְּשַׁ֨ע מֵא֤וֹת רֶֽכֶב בַּרְזֶל֙ ל֔וֹ וְ֠הוּא לָחַ֞ץ אֶת בְּנֵ֧י יִשְׂרָאֵ֛ל בְּחָזְקָ֖ה עֶשְׂרִ֥ים שָׁנָֽה

and to cry out · sons of · Israel · to · LORD · that · nine · hundred · chariot of · iron · to/for him · and he · to oppress · - · sons of · Israel · in/at might · twenty · year

וּדְבוֹרָה֙ אִשָּׁ֣ה נְבִיאָ֔ה אֵ֖שֶׁת לַפִּיד֑וֹת הִ֛יא שֹׁפְטָ֥ה אֶת יִשְׂרָאֵ֖ל בָּעֵ֥ת הַהִֽיא

and Deborah · woman · prophetess · woman of · Lapidoth · he · judging · - · Israel · in/at the time · the he

וְ֠הִיא יוֹשֶׁ֨בֶת תַּֽחַת תֹּ֜מֶר דְּבוֹרָ֗ה בֵּ֧ין הָרָמָ֛ה וּבֵ֥ין בֵּֽית אֵ֖ל בְּהַ֣ר אֶפְרָ֑יִם וַיַּעֲל֥וּ אֵלֶ֛יהָ בְּנֵ֥י יִשְׂרָאֵ֖ל לַמִּשְׁפָּֽט

and he · dwelling · under · palm column of · Deborah · between · the Ramah · and between · Bethel · Bethel · in/at mountain of · Ephraim · and to go up · to her · sons of · Israel · to/for the judgment

וַתִּשְׁלַ֗ח וַתִּקְרָא֙ לְבָרָ֣ק בֶּן אֲבִינֹ֔עַם מִקֶּ֖דֶשׁ נַפְתָּלִ֑י וַתֹּ֨אמֶר אֵלָ֜יו הֲלֹ֥א צִוָּ֣ה יְהוָ֣ה אֱלֹהֵֽי יִשְׂרָאֵ֗ל לֵ֤ךְ וּמָֽשַׁכְתָּ֙ בְּהַ֣ר תָּב֔וֹר וְלָקַחְתָּ֣ עִמְּךָ֗ עֲשֶׂ֤רֶת אֲלָפִים֙ אִ֔ישׁ מִבְּנֵ֥י נַפְתָּלִ֖י וּמִבְּנֵ֥י זְבֻלֽוּן

and to send · and to call · to/for Barak · son of · Abinoam · from Kedesh · Naphtali · and to say · to him · not · to command · LORD · God(s) of · Israel · walk · and to draw · in/at mountain of · Tabor · and to take · with you · ten · thousand · man · from sons of · Naphtali · and from sons of · Zebulun

וּמָשַׁכְתִּ֨י אֵלֶ֜יךָ אֶל נַ֣חַל קִישׁ֗וֹן אֶת סִֽיסְרָא֙ שַׂר צְבָ֣א יָבִ֔ין וְאֶת רִכְבּ֖וֹ וְאֶת הֲמוֹנ֑וֹ וּנְתַתִּ֖יהוּ בְּיָדֶֽךָ

and to draw · to you · to · wadi of · Kishon · - · Sisera · prince of · army of · Jabin · and - · chariot his · and - · tumult his · and to give him · in/at hand your

וַיֹּ֤אמֶר אֵלֶ֨יהָ֙ בָּרָ֔ק אִם תֵּלְכִ֥י עִמִּ֖י וְהָלָ֑כְתִּי וְאִם לֹ֥א תֵלְכִ֛י עִמִּ֖י לֹ֥א אֵלֵֽךְ

and to say · to her · Barak · if · to walk · with me · and to walk · and if · not · to walk · with me · not · to walk

LXX Septuagint runs longer here

וַתֹּ֜אמֶר הָלֹ֧ךְ אֵלֵ֣ךְ עִמָּ֗ךְ אֶ֚פֶס כִּי֩ לֹ֨א תִֽהְיֶ֜ה תִּֽפְאַרְתְּךָ֗ עַל הַדֶּ֨רֶךְ֙ אֲשֶׁ֣ר אַתָּ֣ה הוֹלֵ֔ךְ כִּ֣י בְֽיַד אִשָּׁ֔ה יִמְכֹּ֥ר יְהוָ֖ה אֶת סִֽיסְרָ֑א וַתָּ֧קָם דְּבוֹרָ֛ה וַתֵּ֥לֶך עִם בָּרָ֖ק קֶֽדְשָׁה

and to say · to walk · to walk · with you · end · that · not · to be · glory your · upon · the way · which · you · walking · that · in/at hand of · woman · to sell · LORD · - · Sisera · and to rise · Deborah · and to walk · with · Barak · Kedesh toward

וַיַּזְעֵ֨ק בָּרָ֜ק אֶת זְבוּלֻ֤ן וְאֶת נַפְתָּלִי֙ קֶ֔דְשָׁה וַיַּ֣עַל בְּרַגְלָ֔יו עֲשֶׂ֥רֶת אַלְפֵ֖י אִ֑ישׁ וַתַּ֥עַל עִמּ֖וֹ דְּבוֹרָֽה

and to cry out · Barak · - · Zebulun · and - · Naphtali · Kedesh toward · and to go up · in/at feet his · ten · thousand · man · and to go up · with him · Deborah

וְחֶ֤בֶר הַקֵּינִי֙ נִפְרָ֣ד מִקַּ֔יִן מִבְּנֵ֥י חֹבָ֖ב חֹתֵ֣ן מֹשֶׁ֑ה וַיֵּ֣ט אָהֳל֔וֹ עַד אֵל֥וֹן בצענים בְּצַעֲנַנִּ֖ים אֲשֶׁ֥ר אֶת קֶֽדֶשׁ

and Heber · the Kenite · dividing · from Kenite · from sons of · Hobab · marrying · Moses · and to stretch out · tent his · until · oak · in/at Zaanannim · in/at Zaanannim · which · with · Kedesh

וַיַּגִּ֖דוּ לְסִֽיסְרָ֑א כִּ֥י עָלָ֛ה בָּרָ֥ק בֶּן אֲבִינֹ֖עַם הַר תָּבֽוֹר

and to make known · to/for Sisera · that · to go up · Barak · son of · Abinoam · mountain of · Tabor

וַיַּזְעֵ֨ק סִֽיסְרָ֜א אֶת כָּל רִכְבּ֗וֹ תְּשַׁ֤ע מֵאוֹת֙ רֶ֣כֶב בַּרְזֶ֔ל וְאֶת כָּל הָעָ֖ם אֲשֶׁ֣ר אִתּ֑וֹ מֵחֲרֹ֥שֶׁת הַגּוֹיִ֖ם אֶל נַ֥חַל קִישֽׁוֹן

and to cry out · Sisera · - · all of · chariot his · nine · hundred · chariot of · iron · and - · all of · the people · which · with him · from Harosheth · nation · to · wadi of · Kishon

וַתֹּאמֶר֩ דְּבֹרָ֨ה אֶל בָּרָ֜ק ק֗וּם כִּ֣י זֶ֤ה הַיּוֹם֙ אֲשֶׁר֩ נָתַ֨ן יְהוָ֤ה אֶת סִֽיסְרָא֙ בְּיָדֶ֔ךָ הֲלֹ֥א יְהוָ֖ה יָצָ֣א לְפָנֶ֑יךָ וַיֵּ֤רֶד בָּרָק֙ מֵהַ֣ר תָּב֔וֹר וַעֲשֶׂ֧רֶת אֲלָפִ֛ים אִ֖ישׁ אַחֲרָֽיו

and to say · Deborah · to · Barak · rise · that · this · the day · which · to give · LORD · - · Sisera · in/at hand your · not · LORD · to go out · to/for face(s) your · and to go down · Barak · from mountain of · Tabor · and ten · thousand · man · after him

וַיָּ֣הָם יְ֠הוָה אֶת סִֽיסְרָ֨א וְאֶת כָּל הָרֶ֧כֶב וְאֶת כָּל הַֽמַּחֲנֶ֛ה לְפִי חֶ֖רֶב לִפְנֵ֣י בָרָ֑ק וַיֵּ֧רֶד סִֽיסְרָ֛א מֵעַ֥ל הַמֶּרְכָּבָ֖ה וַיָּ֥נָס בְּרַגְלָֽיו

and to confuse · LORD · - · Sisera · and - · all of · the chariot · and - · all of · the camp · to/for mouth of · sword · to/for face(s) of · Barak · and to go down · Sisera · from upon · the chariot · and to flee · in/at feet his

וּבָרָ֗ק רָדַ֞ף אַחֲרֵ֤י הָרֶ֨כֶב֙ וְאַחֲרֵ֣י הַֽמַּחֲנֶ֔ה עַ֖ד חֲרֹ֣שֶׁת הַגּוֹיִ֑ם וַיִּפֹּ֞ל כָּל מַחֲנֵ֤ה סִֽיסְרָא֙ לְפִי חֶ֔רֶב לֹ֥א נִשְׁאַ֖ר עַד אֶחָֽד

and Barak · to pursue · after · the chariot · and after · the camp · until · Harosheth · nation · and to fall · all of · camp of · Sisera · to/for mouth of · sword · not · to remain · until · one

וְסִֽיסְרָא֙ נָ֣ס בְּרַגְלָ֔יו אֶל אֹ֣הֶל יָעֵ֔ל אֵ֖שֶּׁת חֶ֣בֶר הַקֵּינִ֑י כִּ֣י שָׁל֗וֹם בֵּ֚ין יָבִ֣ין מֶֽלֶךְ חָצ֔וֹר וּבֵ֕ין בֵּ֖ית חֶ֥בֶר הַקֵּינִֽי

and Sisera · to flee · in/at feet his · to · tent of · Jael · woman of · Heber · the Kenite · that · peace · between · Jabin · king of · Hazor · and between · house of · Heber · the Kenite

וַתֵּצֵ֣א יָעֵל֮ לִקְרַ֣את סִֽיסְרָא֒ וַתֹּ֣אמֶר אֵלָ֗יו סוּרָ֧ה אֲדֹנִ֛י סוּרָ֥ה אֵלַ֖י אַל תִּירָ֑א וַיָּ֤סַר אֵלֶ֨יהָ֙ הָאֹ֔הֱלָה וַתְּכַסֵּ֖הוּ בַּשְּׂמִיכָֽה

and to go out · Jael · to meet · Sisera · and to say · to him · turn aside · lord my · turn aside · to me · not · to fear · and to turn aside · to her · the tent toward · and to cover him · in/at the coverlet

וַיֹּ֧אמֶר אֵלֶ֛יהָ הַשְׁקִינִי נָ֥א מְעַט מַ֖יִם כִּ֣י צָמֵ֑אתִי וַתִּפְתַּ֞ח אֶת נֹ֧אוד הֶחָלָ֛ב וַתַּשְׁקֵ֖הוּ וַתְּכַסֵּֽהוּ

and to say · to her · water me · please · few of · water(s) · that · to be thirsty · and to open · - · skin bottle of · the milk · and to water him · and to cover him

וַיֹּ֣אמֶר אֵלֶ֔יהָ עֲמֹ֖ד פֶּ֣תַח הָאֹ֑הֶל וְהָיָה֩ אִם אִ֨ישׁ יָב֜וֹא וּשְׁאֵלֵ֗ךְ וְאָמַ֛ר הֲיֵֽשׁ פֹּ֥ה אִ֖ישׁ וְאָמַ֥רְתְּ אָֽיִן

and to say · to her · stand · doorway of · the tent · and to be · if · man · to enter · and to ask her · and to say · there is · here · man · and to say · nothing

וַתִּקַּ֣ח יָעֵ֣ל אֵֽשֶׁת חֶ֠בֶר אֶת יְתַ֨ד הָאֹ֜הֶל וַתָּ֧שֶׂם אֶת הַמַּקֶּ֣בֶת בְּיָדָ֗הּ וַתָּב֤וֹא אֵלָיו֙ בַּלָּ֔אט וַתִּתְקַ֤ע אֶת הַיָּתֵד֙ בְּרַקָּת֔וֹ וַתִּצְנַ֖ח בָּאָ֑רֶץ וְהֽוּא נִרְדָּ֥ם וַיָּ֖עַף וַיָּמֹֽת

and to take · Jael · woman of · Heber · - · peg of · the tent · and to put · - · the hole · in/at hand her · and to enter · to him · in/at the secrecy · and to blow · - · the peg · in/at temple his · and to go down · in/at the land · and he · sleeping · and to fly · and to die

וְהִנֵּ֣ה בָרָק֮ רֹדֵ֣ף אֶת סִֽיסְרָא֒ וַתֵּצֵ֤א יָעֵל֙ לִקְרָאת֔וֹ וַתֹּ֣אמֶר ל֔וֹ לֵ֣ךְ וְאַרְאֶ֔ךָּ אֶת הָאִ֖ישׁ אֲשֶׁר אַתָּ֣ה מְבַקֵּ֑שׁ וַיָּבֹ֣א אֵלֶ֔יהָ וְהִנֵּ֤ה סִֽיסְרָא֙ נֹפֵ֣ל מֵ֔ת וְהַיָּתֵ֖ד בְּרַקָּתֽוֹ

and behold · Barak · pursuing · - · Sisera · and to go out · Jael · to meet him · and to say · to/for him · walk · and to see you · - · the man · which · you · seeking · and to enter · to her · and behold · Sisera · falling · dying · and the peg · in/at temple his

וַיַּכְנַ֤ע אֱלֹהִים֙ בַּיּ֣וֹם הַה֔וּא אֵ֖ת יָבִ֣ין מֶֽלֶךְ כְּנָ֑עַן לִפְנֵ֖י בְּנֵ֥י יִשְׂרָאֵֽל

and to humble · God(s) · in/at the day · the he · - · Jabin · king of · Canaan · to/for face(s) of · sons of · Israel

וַתֵּ֜לֶךְ יַ֤ד בְּנֵֽי יִשְׂרָאֵל֙ הָל֣וֹךְ וְקָשָׁ֔ה עַ֖ל יָבִ֣ין מֶֽלֶךְ כְּנָ֑עַן עַ֚ד אֲשֶׁ֣ר הִכְרִ֔יתוּ אֵ֖ת יָבִ֥ין מֶֽלֶךְ כְּנָֽעַן

and to walk · hand of · sons of · Israel · to walk · and hard · upon · Jabin · king of · Canaan · until · which · to cut · - · Jabin · king of · Canaan