Jeremiah 11

הַדָּבָר֙ אֲשֶׁ֣ר הָיָ֣ה אֶֽל יִרְמְיָ֔הוּ מֵאֵ֥ת יְהוָ֖ה לֵאמֹֽר

the word · which · to be · to · Jeremiah · from with · LORD · to say

שִׁמְע֕וּ אֶת דִּבְרֵ֖י הַבְּרִ֣ית הַזֹּ֑את וְדִבַּרְתָּם֙ אֶל אִ֣ישׁ יְהוּדָ֔ה וְעַל יֹשְׁבֵ֖י יְרוּשָׁלִָֽם

hear · - · words of · the covenant · the this · and to speak them · to · man of · Judah · and upon · dwelling · Jerusalem

וְאָמַרְתָּ֣ אֲלֵיהֶ֔ם כֹּֽה אָמַ֥ר יְהוָ֖ה אֱלֹהֵ֣י יִשְׂרָאֵ֑ל אָר֣וּר הָאִ֔ישׁ אֲשֶׁר֙ לֹ֣א יִשְׁמַ֔ע אֶת דִּבְרֵ֖י הַבְּרִ֥ית הַזֹּֽאת

and to say · to them · thus · to say · LORD · God(s) of · Israel · cursed · the man · which · not · to hear · - · words of · the covenant · the this

אֲשֶׁ֣ר צִוִּ֣יתִי אֶת אֲבֽוֹתֵיכֶ֡ם בְּי֣וֹם הוֹצִיאִֽי אוֹתָ֣ם מֵאֶֽרֶץ מִצְרַיִם֩ מִכּ֨וּר הַבַּרְזֶ֜ל לֵאמֹ֗ר שִׁמְע֤וּ בְקוֹלִי֙ וַעֲשִׂיתֶ֣ם אוֹתָ֔ם כְּכֹ֥ל אֲשֶׁר אֲצַוֶּ֖ה אֶתְכֶ֑ם וִהְיִ֤יתֶם לִי֙ לְעָ֔ם וְאָ֣נֹכִ֔י אֶהְיֶ֥ה לָכֶ֖ם לֵאלֹהִֽים

which · to command · - · fathers your · in/at day of · to go out me · - them · from land of · Egypt · from furnace of · the iron · to say · hear · in/at voice my · and to do · - them · like/as all · which · to command · - you · and to be · to/for me · to/for people · and I · to be · to/for you · to/for God(s)

לְמַעַן֩ הָקִ֨ים אֶת הַשְּׁבוּעָ֜ה אֲשֶׁר נִשְׁבַּ֣עְתִּי לַאֲבֽוֹתֵיכֶ֗ם לָתֵ֤ת לָהֶם֙ אֶ֣רֶץ זָבַ֥ת חָלָ֛ב וּדְבַ֖שׁ כַּיּ֣וֹם הַזֶּ֑ה וָאַ֥עַן וָאֹמַ֖ר אָמֵ֥ן יְהוָֽה

for the sake of · to rise · - · the oath · which · to swear · to/for fathers your · to give · to/for them · land · flowing · milk · and honey · like/as the day · the this · and to answer · and to say · truly · LORD

וַיֹּ֤אמֶר יְהוָה֙ אֵלַ֔י קְרָ֨א אֶת כָּל הַדְּבָרִ֤ים הָאֵ֨לֶּה֙ בְּעָרֵ֣י יְהוּדָ֔ה וּבְחֻצ֥וֹת יְרוּשָׁלִַ֖ם לֵאמֹ֑ר שִׁמְע֗וּ אֶת דִּבְרֵי֙ הַבְּרִ֣ית הַזֹּ֔את וַעֲשִׂיתֶ֖ם אוֹתָֽם

and to say · LORD · to me · call · - · all of · the words · the these · in/at cities of · Judah · and in/at streets of · Jerusalem · to say · hear · - · words of · the covenant · the this · and to do · - them

כִּי֩ הָעֵ֨ד הַעִדֹ֜תִי בַּאֲבֽוֹתֵיכֶ֗ם בְּיוֹם֩ הַעֲלוֹתִ֨י אוֹתָ֜ם מֵאֶ֤רֶץ מִצְרַ֨יִם֙ וְעַד הַיּ֣וֹם הַזֶּ֔ה הַשְׁכֵּ֥ם וְהָעֵ֖ד לֵאמֹ֑ר שִׁמְע֖וּ בְּקוֹלִֽי

that · to testify · to testify · in/at fathers your · in/at day of · to go up me · - them · from land of · Egypt · and until · the day · the this · to rise early · and to testify · to say · hear · in/at voice my

וְלֹ֤א שָֽׁמְעוּ֙ וְלֹֽא הִטּ֣וּ אֶת אָזְנָ֔ם וַיֵּ֣לְכ֔וּ אִ֕ישׁ בִּשְׁרִיר֖וּת לִבָּ֣ם הָרָ֑ע וָאָבִ֨יא עֲלֵיהֶ֜ם אֶֽת כָּל דִּבְרֵ֧י הַבְּרִית הַזֹּ֛את אֲשֶׁר צִוִּ֥יתִי לַעֲשׂ֖וֹת וְלֹ֥א עָשֽׂוּ

and not · to hear · and not · to stretch out · - · ear their · and to walk · man · in/at stubbornness of · heart their · the evil · and to enter · upon them · - · all of · words of · the covenant · the this · which · to command · to do · and not · to do

וַיֹּ֥אמֶר יְהוָ֖ה אֵלָ֑י נִֽמְצָא קֶ֨שֶׁר֙ בְּאִ֣ישׁ יְהוּדָ֔ה וּבְיֹשְׁבֵ֖י יְרוּשָׁלִָֽם

and to say · LORD · to me · to find · conspiracy · in/at man of · Judah · and in/at dwelling · Jerusalem

שָׁ֩בוּ֩ עַל עֲוֺנֹ֨ת אֲבוֹתָ֜ם הָרִֽאשֹׁנִ֗ים אֲשֶׁ֤ר מֵֽאֲנוּ֙ לִשְׁמ֣וֹעַ אֶת דְּבָרַ֔י וְהֵ֣מָּה הָלְכ֗וּ אַחֲרֵ֛י אֱלֹהִ֥ים אֲחֵרִ֖ים לְעָבְדָ֑ם הֵפֵ֤רוּ בֵֽית יִשְׂרָאֵל֙ וּבֵ֣ית יְהוּדָ֔ה אֶת בְּרִיתִ֕י אֲשֶׁ֥ר כָּרַ֖תִּי אֶת אֲבוֹתָֽם

to return · upon · iniquities of · fathers their · the first · which · to refuse · to hear · - · words my · and they · to walk · after · God(s) · other · to serve them · to break · house of · Israel · and house of · Judah · - · covenant my · which · to cut · with · fathers their

לָכֵ֗ן כֹּ֚ה אָמַ֣ר יְהוָ֔ה הִנְנִ֨י מֵבִ֤יא אֲלֵיהֶם֙ רָעָ֔ה אֲשֶׁ֥ר לֹֽא יוּכְל֖וּ לָצֵ֣את מִמֶּ֑נָּה וְזָעֲק֣וּ אֵלַ֔י וְלֹ֥א אֶשְׁמַ֖ע אֲלֵיהֶֽם

to/for thus · thus · to say · LORD · behold me · entering · to them · evil · which · not · to prevail · to go out · from her · and to cry out · to me · and not · to hear · to them

וְהָֽלְכ֞וּ עָרֵ֣י יְהוּדָ֗ה וְיֹשְׁבֵי֙ יְר֣וּשָׁלִַ֔ם וְזָֽעֲקוּ֙ אֶל הָ֣אֱלֹהִ֔ים אֲשֶׁ֛ר הֵ֥ם מְקַטְּרִ֖ים לָהֶ֑ם וְהוֹשֵׁ֛עַ לֹֽא יוֹשִׁ֥יעוּ לָהֶ֖ם בְּעֵ֥ת רָעָתָֽם

and to walk · cities of · Judah · and dwelling · Jerusalem · and to cry out · to · the God(s) · which · they · burning incense · to/for them · and to save · not · to save · to/for them · in/at time of · evil their

כִּ֚י מִסְפַּ֣ר עָרֶ֔יךָ הָי֥וּ אֱלֹהֶ֖יךָ יְהוּדָ֑ה וּמִסְפַּ֞ר חֻצ֣וֹת יְרוּשָׁלִַ֗ם שַׂמְתֶּ֤ם מִזְבְּחוֹת֙ לַבֹּ֔שֶׁת מִזְבְּח֖וֹת לְקַטֵּ֥ר לַבָּֽעַל

that · number of · cities your · to be · God(s) your · Judah · and number of · streets of · Jerusalem · to put · altars · to/for the shame · altars · to burn incense · to/for the Baal

וְאַתָּ֗ה אַל תִּתְפַּלֵּל֙ בְּעַד הָעָ֣ם הַזֶּ֔ה וְאַל תִּשָּׂ֥א בַעֲדָ֖ם רִנָּ֣ה וּתְפִלָּ֑ה כִּ֣י אֵינֶ֣נִּי שֹׁמֵ֗עַ בְּעֵ֛ת קָרְאָ֥ם אֵלַ֖י בְּעַ֥ד רָעָתָֽם

and you · not · to pray · behind · the people · the this · and not · to lift · behind them · cry · and prayer · that · nothing me · hearing · in/at time of · to call them · to me · behind · evil their

מֶ֣ה לִֽידִידִ֞י בְּבֵיתִ֗י עֲשׂוֹתָ֤הּ הַֽמְזִמָּ֨תָה֙ הָֽרַבִּ֔ים וּבְשַׂר קֹ֖דֶשׁ יַעַבְר֣וּ מֵֽעָלָ֑יִךְ כִּ֥י רָעָתֵ֖כִי אָ֥ז תַּעֲלֹֽזִי

what · to/for beloved my · in/at house my · to do her · the purpose · the many · and flesh of · holiness · to pass over · from upon you · that · evil your · then · to rejoice

זַ֤יִת רַֽעֲנָן֙ יְפֵ֣ה פְרִי תֹ֔אַר קָרָ֥א יְהוָ֖ה שְׁמֵ֑ךְ לְק֣וֹל הֲמוּלָּ֣ה גְדֹלָ֗ה הִצִּ֥ית אֵשׁ֙ עָלֶ֔יהָ וְרָע֖וּ דָּלִיּוֹתָֽיו

olive · luxuriant · beautiful of · fruit of · form · to call · LORD · name your · to/for voice of · roaring · great · to kindle · fire · upon her · and to do evil · branches his

וַיהוָ֤ה צְבָאוֹת֙ הַנּוֹטֵ֣עַ אוֹתָ֔ךְ דִּבֶּ֥ר עָלַ֖יִךְ רָעָ֑ה בִּ֠גְלַל רָעַ֨ת בֵּֽית יִשְׂרָאֵ֜ל וּבֵ֣ית יְהוּדָ֗ה אֲשֶׁ֨ר עָשׂ֥וּ לָהֶ֛ם לְהַכְעִסֵ֖נִי לְקַטֵּ֥ר לַבָּֽעַל

and LORD · armies · the planting · - you · to speak · upon you · evil · in/at on account of of · evil of · house of · Israel · and house of · Judah · which · to do · to/for them · to be angry me · to burn incense · to/for the Baal

וַֽיהוָ֥ה הֽוֹדִיעַ֖נִי וָֽאֵדָ֑עָה אָ֖ז הִרְאִיתַ֥נִי מַעַלְלֵיהֶֽם

and LORD · to know me · and to know · then · to see me · deeds their

וַאֲנִ֕י כְּכֶ֥בֶשׂ אַלּ֖וּף יוּבַ֣ל לִטְב֑וֹחַ וְלֹֽא יָדַ֜עְתִּי כִּֽי עָלַ֣י חָשְׁב֣וּ מַחֲשָׁב֗וֹת נַשְׁחִ֨יתָה עֵ֤ץ בְּלַחְמוֹ֙ וְנִכְרְתֶ֨נּוּ֙ מֵאֶ֣רֶץ חַיִּ֔ים וּשְׁמ֖וֹ לֹֽא יִזָּכֵ֥ר עֽוֹד

and I · like/as lamb · intimate · to bring · to slaughter · and not · to know · that · upon me · to think · thoughts · to destroy · tree · in/at bread his · and to cut him · from land of · living · and name his · not · to remember · still

וַֽיהוָ֤ה צְבָאוֹת֙ שֹׁפֵ֣ט צֶ֔דֶק בֹּחֵ֥ן כְּלָי֖וֹת וָלֵ֑ב אֶרְאֶ֤ה נִקְמָֽתְךָ֙ מֵהֶ֔ם כִּ֥י אֵלֶ֖יךָ גִּלִּ֥יתִי אֶת רִיבִֽי

and LORD · armies · judging · righteousness · testing · kidneys · and heart · to see · vengeance your · from them · that · to you · to uncover · - · strife my

לָכֵ֗ן כֹּֽה אָמַ֤ר יְהוָה֙ עַל אַנְשֵׁ֣י עֲנָת֔וֹת הַֽמְבַקְשִׁ֥ים אֶֽת נַפְשְׁךָ֖ לֵאמֹ֑ר לֹ֤א תִנָּבֵא֙ בְּשֵׁ֣ם יְהוָ֔ה וְלֹ֥א תָמ֖וּת בְּיָדֵֽנוּ

to/for thus · thus · to say · LORD · upon · men of · Anathoth · the seeking · - · soul your · to say · not · to prophesy · in/at name of · LORD · and not · to die · in/at hand our

לָכֵ֗ן כֹּ֤ה אָמַר֙ יְהוָ֣ה צְבָא֔וֹת הִנְנִ֥י פֹקֵ֖ד עֲלֵיהֶ֑ם הַבַּֽחוּרִים֙ יָמֻ֣תוּ בַחֶ֔רֶב בְּנֵיהֶם֙ וּבְנ֣וֹתֵיהֶ֔ם יָמֻ֖תוּ בָּרָעָֽב

to/for thus · thus · to say · LORD · armies · behold me · visiting · upon them · the young men · to die · in/at the sword · sons their · and daughters their · to die · in/at the famine

וּשְׁאֵרִ֕ית לֹ֥א תִֽהְיֶ֖ה לָהֶ֑ם כִּֽי אָבִ֥יא רָעָ֛ה אֶל אַנְשֵׁ֥י עֲנָת֖וֹת שְׁנַ֥ת פְּקֻדָּתָֽם

and remnant · not · to be · to/for them · that · to enter · evil · to · men of · Anathoth · year of · visitation their