Jeremiah 18

הַדָּבָר֙ אֲשֶׁ֣ר הָיָ֣ה אֶֽל יִרְמְיָ֔הוּ מֵאֵ֥ת יְהוָ֖ה לֵאמֹֽר

the word · which · to be · to · Jeremiah · from with · LORD · to say

ק֥וּם וְיָרַדְתָּ֖ בֵּ֣ית הַיּוֹצֵ֑ר וְשָׁ֖מָּה אַשְׁמִֽיעֲךָ֥ אֶת דְּבָרָֽי

rise · and to go down · house of · the forming · and there toward · to hear you · - · words my

וָאֵרֵ֖ד בֵּ֣ית הַיּוֹצֵ֑ר והנהו וְהִנֵּה ה֛וּא עֹשֶׂ֥ה מְלָאכָ֖ה עַל הָאָבְנָֽיִם

and to go down · house of · the forming · and behold him · and behold · he · doing · work · upon · the wheels

וְנִשְׁחַ֣ת הַכְּלִ֗י אֲשֶׁ֨ר ה֥וּא עֹשֶׂ֛ה בַּחֹ֖מֶר בְּיַ֣ד הַיּוֹצֵ֑ר וְשָׁ֗ב וַֽיַּעֲשֵׂ֨הוּ֙ כְּלִ֣י אַחֵ֔ר כַּאֲשֶׁ֥ר יָשַׁ֛ר בְּעֵינֵ֥י הַיּוֹצֵ֖ר לַעֲשֽׂוֹת

and to destroy · the vessel · which · he · doing · in/at the mortar · in/at hand of · the forming · and to return · and to do him · vessel · other · like/as which · to be right · in/at eyes of · the forming · to do

וַיְהִ֥י דְבַר יְהוָ֖ה אֵלַ֥י לֵאמֽוֹר

and to be · word of · LORD · to me · to say

הֲכַיּוֹצֵ֨ר הַזֶּ֜ה לֹא אוּכַ֨ל לַעֲשׂ֥וֹת לָכֶ֛ם בֵּ֥ית יִשְׂרָאֵ֖ל נְאֻם יְהוָ֑ה הִנֵּ֤ה כַחֹ֨מֶר֙ בְּיַ֣ד הַיּוֹצֵ֔ר כֵּן אַתֶּ֥ם בְּיָדִ֖י בֵּ֥ית יִשְׂרָאֵֽל

like/as the forming · the this · not · to prevail · to do · to/for you · house of · Israel · utterance of · LORD · behold · like/as the mortar · in/at hand of · the forming · thus · you · in/at hand my · house of · Israel

רֶ֣גַע אֲדַבֵּ֔ר עַל גּ֖וֹי וְעַל מַמְלָכָ֑ה לִנְת֥וֹשׁ וְלִנְת֖וֹץ וּֽלְהַאֲבִֽיד

moment · to speak · upon · nation · and upon · kingdom · to uproot · and to tear down · and to perish

וְשָׁב֙ הַגּ֣וֹי הַה֔וּא מֵרָ֣עָת֔וֹ אֲשֶׁ֥ר דִּבַּ֖רְתִּי עָלָ֑יו וְנִֽחַמְתִּי֙ עַל הָ֣רָעָ֔ה אֲשֶׁ֥ר חָשַׁ֖בְתִּי לַעֲשׂ֥וֹת לֽוֹ

and to return · the nation · the he · from evil his · which · to speak · upon him · and to comfort · upon · the evil · which · to think · to do · to/for him

וְרֶ֣גַע אֲדַבֵּ֔ר עַל גּ֖וֹי וְעַל מַמְלָכָ֑ה לִבְנֹ֖ת וְלִנְטֹֽעַ

and moment · to speak · upon · nation · and upon · kingdom · to build · and to plant

וְעָשָׂ֤ה הרעה הָרַע֙ בְּעֵינַ֔י לְבִלְתִּ֖י שְׁמֹ֣עַ בְּקוֹלִ֑י וְנִֽחַמְתִּי֙ עַל הַטּוֹבָ֔ה אֲשֶׁ֥ר אָמַ֖רְתִּי לְהֵיטִ֥יב אוֹתֽוֹ

and to do · the evil · the evil · in/at eyes my · to/for except · to hear · in/at voice my · and to comfort · upon · the good · which · to say · to be good · - him

וְעַתָּ֡ה אֱמָר נָ֣א אֶל אִישׁ יְהוּדָה֩ וְעַל יוֹשְׁבֵ֨י יְרוּשָׁלִַ֜ם לֵאמֹ֗ר כֹּ֚ה אָמַ֣ר יְהוָ֔ה הִנֵּ֨ה אָנֹכִ֜י יוֹצֵ֤ר עֲלֵיכֶם֙ רָעָ֔ה וְחֹשֵׁ֥ב עֲלֵיכֶ֖ם מַֽחֲשָׁבָ֑ה שׁ֣וּבוּ נָ֗א אִ֚ישׁ מִדַּרְכּ֣וֹ הָֽרָעָ֔ה וְהֵיטִ֥יבוּ דַרְכֵיכֶ֖ם וּמַעַלְלֵיכֶֽם

and now · say · please · to · man of · Judah · and upon · dwelling · Jerusalem · to say · thus · to say · LORD · behold · I · forming · upon you · evil · and thinking · upon you · thought · return · please · man · from way his · the evil · and be good · ways your · and deeds your

וְאָמְר֖וּ נוֹאָ֑שׁ כִּֽי אַחֲרֵ֤י מַחְשְׁבוֹתֵ֨ינוּ֙ נֵלֵ֔ךְ וְאִ֛ישׁ שְׁרִר֥וּת לִבּֽוֹ הָרָ֖ע נַעֲשֶֽׂה

and to say · despairing · that · after · thoughts our · to walk · and man · stubbornness of · heart his · the evil · to do

לָכֵ֗ן כֹּ֚ה אָמַ֣ר יְהוָ֔ה שַֽׁאֲלוּ נָא֙ בַּגּוֹיִ֔ם מִ֥י שָׁמַ֖ע כָּאֵ֑לֶּה שַֽׁעֲרֻרִת֙ עָשְׂתָ֣ה מְאֹ֔ד בְּתוּלַ֖ת יִשְׂרָאֵֽל

to/for thus · thus · to say · LORD · ask · please · in/at the nations · who · to hear · like/as these · horrible thing · to do · exceedingly · virgin of · Israel

הֲיַעֲזֹ֥ב מִצּ֛וּר שָׂדַ֖י שֶׁ֣לֶג לְבָנ֑וֹן אִם יִנָּתְשׁ֗וּ מַ֛יִם זָרִ֥ים קָרִ֖ים נוֹזְלִֽים

to leave · from rock of · field · snow of · Lebanon · if · to uproot · water(s) · strange · cool · flowing

כִּֽי שְׁכֵחֻ֥נִי עַמִּ֖י לַשָּׁ֣וְא יְקַטֵּ֑רוּ וַיַּכְשִׁל֤וּם בְּדַרְכֵיהֶם֙ שְׁבִילֵ֣י עוֹלָ֔ם לָלֶ֣כֶת נְתִיב֔וֹת דֶּ֖רֶךְ לֹ֥א סְלוּלָֽה

that · to forget me · people my · to/for the vanity · to burn incense · and to stumble them · in/at ways their · ways of · forever · to walk · paths · way · not · exalted

לָשׂ֥וּם אַרְצָ֛ם לְשַׁמָּ֖ה שרוקת שְׁרִיק֣וֹת עוֹלָ֑ם כֹּ֚ל עוֹבֵ֣ר עָלֶ֔יהָ יִשֹּׁ֖ם וְיָנִ֥יד בְּרֹאשֽׁוֹ

to put · land their · to/for desolation · piping of · hissing of · forever · all of · passing over · upon her · to be desolate · and to shake · in/at head his

כְּרֽוּחַ קָדִ֥ים אֲפִיצֵ֖ם לִפְנֵ֣י אוֹיֵ֑ב עֹ֧רֶף וְלֹֽא פָנִ֛ים אֶרְאֵ֖ם בְּי֥וֹם אֵידָֽם

like/as spirit of · east · to scatter them · to/for face(s) of · enemy · neck · and not · face(s) · to see them · in/at day of · calamity their

וַיֹּאמְר֗וּ לְכ֨וּ וְנַחְשְׁבָ֣ה עַֽל יִרְמְיָהוּ֮ מַחֲשָׁבוֹת֒ כִּי֩ לֹא תֹאבַ֨ד תּוֹרָ֜ה מִכֹּהֵ֗ן וְעֵצָה֙ מֵֽחָכָ֔ם וְדָבָ֖ר מִנָּבִ֑יא לְכוּ֙ וְנַכֵּ֣הוּ בַלָּשׁ֔וֹן וְאַל נַקְשִׁ֖יבָה אֶל כָּל דְּבָרָֽיו

and to say · walk · and to think · upon · Jeremiah · thoughts · that · not · to perish · law · from priest · and counsel · from wise · and word · from prophet · walk · and to strike him · in/at the tongue · and not · to hear · to · all of · words his

הַקְשִׁ֥יבָה יְהוָ֖ה אֵלָ֑י וּשְׁמַ֖ע לְק֥וֹל יְרִיבָֽי

hear · LORD · to me · and hear · to/for voice of · adversaries my

הַיְשֻׁלַּ֤ם תַּֽחַת טוֹבָה֙ רָעָ֔ה כִּֽי כָר֥וּ שׁוּחָ֖ה לְנַפְשִׁ֑י זְכֹ֣ר עָמְדִ֣י לְפָנֶ֗יךָ לְדַבֵּ֤ר עֲלֵיהֶם֙ טוֹבָ֔ה לְהָשִׁ֥יב אֶת חֲמָתְךָ֖ מֵהֶֽם

to be at peace · under · good · evil · that · to dig · pit · to/for soul my · remember · to stand me · to/for face(s) your · to speak · upon them · good · to return · - · wrath your · from them

לָכֵן֩ תֵּ֨ן אֶת בְּנֵיהֶ֜ם לָרָעָ֗ב וְהַגִּרֵם֮ עַל יְדֵי חֶרֶב֒ וְתִֽהְיֶ֨נָה נְשֵׁיהֶ֤ם שַׁכֻּלוֹת֙ וְאַלְמָנ֔וֹת וְאַ֨נְשֵׁיהֶ֔ם יִֽהְי֖וּ הֲרֻ֣גֵי מָ֑וֶת בַּח֣וּרֵיהֶ֔ם מֻכֵּי חֶ֖רֶב בַּמִּלְחָמָֽה

to/for thus · give · - · sons their · to/for the famine · and pour them · upon · hands of · sword · and to be · women their · childless · and widows · and men their · to be · killed · death · young men their · struck · sword · in/at the battle

תִּשָּׁמַ֤ע זְעָקָה֙ מִבָּ֣תֵּיהֶ֔ם כִּֽי תָבִ֧יא עֲלֵיהֶ֛ם גְּד֖וּד פִּתְאֹ֑ם כִּֽי כָר֤וּ שיחה שׁוּחָה֙ לְלָכְדֵ֔נִי וּפַחִ֖ים טָמְנ֥וּ לְרַגְלָֽי

to hear · cry · from houses their · that · to enter · upon them · troop · suddenly · that · to dig · pit · pit · to capture me · and snares · to hide · to/for feet my

וְאַתָּ֣ה יְ֠הוָה יָדַ֜עְתָּ אֶֽת כָּל עֲצָתָ֤ם עָלַי֙ לַמָּ֔וֶת אַל תְּכַפֵּר֙ עַל עֲוֺנָ֔ם וְחַטָּאתָ֖ם מִלְּפָנֶ֣יךָ אַל תֶּ֑מְחִי והיו וְיִהְי֤וּ מֻכְשָׁלִים֙ לְפָנֶ֔יךָ בְּעֵ֥ת אַפְּךָ֖ עֲשֵׂ֥ה בָהֶֽם

and you · LORD · to know · - · all of · counsel their · upon me · to/for the death · not · to atone · upon · iniquity their · and sin offering their · from to/for face(s) your · not · to wipe out · and to be · and to be · stumbled · to/for face(s) your · in/at time of · nose your · do · in/at them