1 Kings 17

וַיֹּאמֶר֩ אֵלִיָּ֨הוּ הַתִּשְׁבִּ֜י מִתֹּשָׁבֵ֣י גִלְעָד֮ אֶל אַחְאָב֒ חַי יְהוָ֞ה אֱלֹהֵ֤י יִשְׂרָאֵל֙ אֲשֶׁ֣ר עָמַ֣דְתִּי לְפָנָ֔יו אִם יִהְיֶ֛ה הַשָּׁנִ֥ים הָאֵ֖לֶּה טַ֣ל וּמָטָ֑ר כִּ֖י אִם לְפִ֥י דְבָרִֽי

and to say · Elijah · the Tishbite · from sojourners of · Gilead · to · Ahab · living · LORD · God(s) of · Israel · which · to stand · to/for face(s) his · if · to be · the years · the these · dew · and rain · that · if · to/for mouth of · word my

וַיְהִ֥י דְבַר יְהוָ֖ה אֵלָ֥יו לֵאמֹֽר

and to be · word of · LORD · to him · to say

לֵ֣ךְ מִזֶּ֔ה וּפָנִ֥יתָ לְּךָ֖ קֵ֑דְמָה וְנִסְתַּרְתָּ֙ בְּנַ֣חַל כְּרִ֔ית אֲשֶׁ֖ר עַל פְּנֵ֥י הַיַּרְדֵּֽן

walk · from this · and to turn · to/for you · east toward · and to hide · in/at wadi of · Cherith · which · upon · face(s) of · the Jordan

וְהָיָ֖ה מֵהַנַּ֣חַל תִּשְׁתֶּ֑ה וְאֶת הָעֹרְבִ֣ים צִוִּ֔יתִי לְכַלְכֶּלְךָ֖ שָֽׁם

and to be · from the wadi · to drink · and - · the ravens · to command · to contain you · there

וַיֵּ֥לֶךְ וַיַּ֖עַשׂ כִּדְבַ֣ר יְהוָ֑ה וַיֵּ֗לֶךְ וַיֵּ֨שֶׁב֙ בְּנַ֣חַל כְּרִ֔ית אֲשֶׁ֖ר עַל פְּנֵ֥י הַיַּרְדֵּֽן

and to walk · and to do · like/as word of · LORD · and to walk · and to dwell · in/at wadi of · Cherith · which · upon · face(s) of · the Jordan

וְהָעֹרְבִ֗ים מְבִיאִ֨ים ל֜וֹ לֶ֤חֶם וּבָשָׂר֙ בַּבֹּ֔קֶר וְלֶ֥חֶם וּבָשָׂ֖ר בָּעָ֑רֶב וּמִן הַנַּ֖חַל יִשְׁתֶּֽה

and the ravens · entering · to/for him · bread · and flesh · in/at the morning · and bread · and flesh · in/at the evening · and from · the wadi · to drink

וַיְהִ֛י מִקֵּ֥ץ יָמִ֖ים וַיִּיבַ֣שׁ הַנָּ֑חַל כִּ֛י לֹֽא הָיָ֥ה גֶ֖שֶׁם בָּאָֽרֶץ

and to be · from end of · days · and to dry up · the wadi · that · not · to be · rain · in/at the land

וַיְהִ֥י דְבַר יְהוָ֖ה אֵלָ֥יו לֵאמֹֽר

and to be · word of · LORD · to him · to say

ק֣וּם לֵ֤ךְ צָרְפַ֨תָה֙ אֲשֶׁ֣ר לְצִיד֔וֹן וְיָשַׁבְתָּ֖ שָׁ֑ם הִנֵּ֨ה צִוִּ֥יתִי שָׁ֛ם אִשָּׁ֥ה אַלְמָנָ֖ה לְכַלְכְּלֶֽךָ

rise · walk · Zarephath toward · which · to/for Sidon · and to dwell · there · behold · to command · there · woman · widow · to contain you

וַיָּ֣קָם וַיֵּ֣לֶךְ צָרְפַ֗תָה וַיָּבֹא֙ אֶל פֶּ֣תַח הָעִ֔יר וְהִנֵּֽה שָׁ֛ם אִשָּׁ֥ה אַלְמָנָ֖ה מְקֹשֶׁ֣שֶׁת עֵצִ֑ים וַיִּקְרָ֤א אֵלֶ֨יהָ֙ וַיֹּאמַ֔ר קְחִי נָ֨א לִ֧י מְעַט מַ֛יִם בַּכְּלִ֖י וְאֶשְׁתֶּֽה

and to rise · and to walk · Zarephath toward · and to enter · to · doorway of · the city · and behold · there · woman · widow · gathering · trees · and to call · to her · and to say · take · please · to/for me · few of · water(s) · in/at the vessel · and to drink

וַתֵּ֖לֶךְ לָקַ֑חַת וַיִּקְרָ֤א אֵלֶ֨יהָ֙ וַיֹּאמַ֔ר לִֽקְחִי נָ֥א לִ֛י פַּת לֶ֖חֶם בְּיָדֵֽךְ

and to walk · to take · and to call · to her · and to say · take · please · to/for me · morsel of · bread · in/at hand your

וַתֹּ֗אמֶר חַי יְהוָ֤ה אֱלֹהֶ֨יךָ֙ אִם יֶשׁ לִ֣י מָע֔וֹג כִּ֣י אִם מְלֹ֤א כַף קֶ֨מַח֙ בַּכַּ֔ד וּמְעַט שֶׁ֖מֶן בַּצַּפָּ֑חַת וְהִנְנִ֨י מְקֹשֶׁ֜שֶׁת שְׁנַ֣יִם עֵצִ֗ים וּבָ֨אתִי֙ וַעֲשִׂיתִ֨יהוּ֙ לִ֣י וְלִבְנִ֔י וַאֲכַלְנֻ֖הוּ וָמָֽתְנוּ

and to say · living · LORD · God(s) your · if · there is · to/for me · cake · that · if · fulness of · palm of · flour · in/at the jar · and few of · fat · in/at the jar · and behold me · gathering · two · trees · and to enter · and to do him · to/for me · and to/for son my · and to eat him · and to die

וַיֹּ֨אמֶר אֵלֶ֤יהָ אֵלִיָּ֨הוּ֙ אַל תִּ֣ירְאִ֔י בֹּ֖אִי עֲשִׂ֣י כִדְבָרֵ֑ךְ אַ֣ךְ עֲשִׂי לִ֣י מִ֠שָּׁם עֻגָ֨ה קְטַנָּ֤ה בָרִאשֹׁנָה֙ וְהוֹצֵ֣אתְ לִ֔י וְלָ֣ךְ וְלִבְנֵ֔ךְ תַּעֲשִׂ֖י בָּאַחֲרֹנָֽה

and to say · to her · Elijah · not · to fear · enter · do · like/as word your · surely · do · to/for me · from there · cake · small · in/at the first · and to go out · to/for me · and to/for you · and to/for son your · to do · in/at the behind

כִּ֣י כֹה֩ אָמַ֨ר יְהוָ֜ה אֱלֹהֵ֣י יִשְׂרָאֵ֗ל כַּ֤ד הַקֶּ֨מַח֙ לֹ֣א תִכְלָ֔ה וְצַפַּ֥חַת הַשֶּׁ֖מֶן לֹ֣א תֶחְסָ֑ר עַ֠ד י֧וֹם תתן תֵּת יְהוָ֛ה גֶּ֖שֶׁם עַל פְּנֵ֥י הָאֲדָמָֽה

that · thus · to say · LORD · God(s) of · Israel · jar of · the flour · not · to finish · and jar of · the fat · not · to lack · until · day of · to give · to give · LORD · rain · upon · face(s) of · the ground

וַתֵּ֥לֶךְ וַתַּעֲשֶׂ֖ה כִּדְבַ֣ר אֵלִיָּ֑הוּ וַתֹּ֧אכַל הוא והיא הִֽיא וָה֛וּא וּבֵיתָ֖הּ יָמִֽים

and to walk · and to do · like/as word of · Elijah · and to eat · he · and he · he · and he · and house her · days

כַּ֤ד הַקֶּ֨מַח֙ לֹ֣א כָלָ֔תָה וְצַפַּ֥חַת הַשֶּׁ֖מֶן לֹ֣א חָסֵ֑ר כִּדְבַ֣ר יְהוָ֔ה אֲשֶׁ֥ר דִּבֶּ֖ר בְּיַ֥ד אֵלִיָּֽהוּ

jar of · the flour · not · to finish · and jar of · the fat · not · needy · like/as word of · LORD · which · to speak · in/at hand of · Elijah

וַיְהִ֗י אַחַר֙ הַדְּבָרִ֣ים הָאֵ֔לֶּה חָלָ֕ה בֶּן הָאִשָּׁ֖ה בַּעֲלַ֣ת הַבָּ֑יִת וַיְהִ֤י חָלְיוֹ֙ חָזָ֣ק מְאֹ֔ד עַ֛ד אֲשֶׁ֥ר לֹא נֽוֹתְרָה בּ֖וֹ נְשָׁמָֽה

and to be · after · the words · the these · to be sick · son of · the woman · mistress of · the house · and to be · sickness his · strong · exceedingly · until · which · not · to remain · in/at him · spirit

וַתֹּ֨אמֶר֙ אֶל אֵ֣לִיָּ֔הוּ מַה לִּ֥י וָלָ֖ךְ אִ֣ישׁ הָאֱלֹהִ֑ים בָּ֧אתָ אֵלַ֛י לְהַזְכִּ֥יר אֶת עֲוֺנִ֖י וּלְהָמִ֥ית אֶת בְּנִֽי

and to say · to · Elijah · what · to/for me · and to/for you · man of · the God(s) · to enter · to me · to remember · - · iniquity my · and to die · - · son my

וַיֹּ֥אמֶר אֵלֶ֖יהָ תְּנִֽי לִ֣י אֶת בְּנֵ֑ךְ וַיִּקָּחֵ֣הוּ מֵחֵיקָ֗הּ וַֽיַּעֲלֵ֨הוּ֙ אֶל הָעֲלִיָּ֗ה אֲשֶׁר הוּא֙ יֹשֵׁ֣ב שָׁ֔ם וַיַּשְׁכִּבֵ֖הוּ עַל מִטָּתֽוֹ

and to say · to her · give · to/for me · - · son your · and to take him · from bosom her · and to go up him · to · the roof chamber · which · he · dwelling · there · and to lie down him · upon · bed his

וַיִּקְרָ֥א אֶל יְהוָ֖ה וַיֹּאמַ֑ר יְהוָ֣ה אֱלֹהָ֔י הֲ֠גַם עַל הָאַלְמָנָ֞ה אֲשֶׁר אֲנִ֨י מִתְגּוֹרֵ֥ר עִמָּ֛הּ הֲרֵע֖וֹתָ לְהָמִ֥ית אֶת בְּנָֽהּ

and to call · to · LORD · and to say · LORD · God(s) my · also · upon · the widow · which · I · sojourning · with her · to do evil · to die · - · son her

וַיִּתְמֹדֵ֤ד עַל הַיֶּ֨לֶד֙ שָׁלֹ֣שׁ פְּעָמִ֔ים וַיִּקְרָ֥א אֶל יְהוָ֖ה וַיֹּאמַ֑ר יְהוָ֣ה אֱלֹהָ֔י תָּ֥שָׁב נָ֛א נֶֽפֶשׁ הַיֶּ֥לֶד הַזֶּ֖ה עַל קִרְבּֽוֹ

and to measure · upon · the child · three · times · and to call · to · LORD · and to say · LORD · God(s) my · to return · please · soul of · the child · the this · upon · midst his

וַיִּשְׁמַ֥ע יְהוָ֖ה בְּק֣וֹל אֵלִיָּ֑הוּ וַתָּ֧שָׁב נֶֽפֶשׁ הַיֶּ֛לֶד עַל קִרְבּ֖וֹ וַיֶּֽחִי

and to hear · LORD · in/at voice of · Elijah · and to return · soul of · the child · upon · midst his · and to live

LXX Septuagint runs shorter here

וַיִּקַּ֨ח אֵלִיָּ֜הוּ אֶת הַיֶּ֗לֶד וַיֹּרִדֵ֤הוּ מִן הָעֲלִיָּה֙ הַבַּ֔יְתָה וַֽיִּתְּנֵ֖הוּ לְאִמּ֑וֹ וַיֹּ֨אמֶר֙ אֵ֣לִיָּ֔הוּ רְאִ֖י חַ֥י בְּנֵֽךְ

and to take · Elijah · - · the child · and to go down him · from · the roof chamber · the house toward · and to give him · to/for mother his · and to say · Elijah · see · living · son your

וַתֹּ֤אמֶר הָֽאִשָּׁה֙ אֶל אֵ֣לִיָּ֔הוּ עַתָּה֙ זֶ֣ה יָדַ֔עְתִּי כִּ֛י אִ֥ישׁ אֱלֹהִ֖ים אָ֑תָּה וּדְבַר יְהוָ֥ה בְּפִ֖יךָ אֱמֶֽת

and to say · the woman · to · Elijah · now · this · to know · that · man of · God(s) · you · and word of · LORD · in/at mouth your · faithfulness