1 Samuel 11

וַיַּ֗עַל נָחָשׁ֙ הָֽעַמּוֹנִ֔י וַיִּ֖חַן עַל יָבֵ֣שׁ גִּלְעָ֑ד וַיֹּ֨אמְר֜וּ כָּל אַנְשֵׁ֤י יָבֵישׁ֙ אֶל נָחָ֔שׁ כְּרָת לָ֥נוּ בְרִ֖ית וְנַעַבְדֶֽךָּ

and to go up · Nahash · the Ammonite · and to encamp · upon · Jabesh · Gilead · and to say · all of · men of · Jabesh · to · Nahash · cut · to/for us · covenant · and to serve you

LXX Septuagint runs longer here

וַיֹּ֣אמֶר אֲלֵיהֶ֗ם נָחָשׁ֙ הָעַמּוֹנִ֔י בְּזֹאת֙ אֶכְרֹ֣ת לָכֶ֔ם בִּנְק֥וֹר לָכֶ֖ם כָּל עֵ֣ין יָמִ֑ין וְשַׂמְתִּ֥יהָ חֶרְפָּ֖ה עַל כָּל יִשְׂרָאֵֽל

and to say · to them · Nahash · the Ammonite · in/at this · to cut · to/for you · in/at to bore · to/for you · all of · eye of · right hand · and to put her · reproach · upon · all of · Israel

וַיֹּאמְר֨וּ אֵלָ֜יו זִקְנֵ֣י יָבֵ֗ישׁ הֶ֤רֶף לָ֨נוּ֙ שִׁבְעַ֣ת יָמִ֔ים וְנִשְׁלְחָה֙ מַלְאָכִ֔ים בְּכֹ֖ל גְּב֣וּל יִשְׂרָאֵ֑ל וְאִם אֵ֥ין מוֹשִׁ֛יעַ אֹתָ֖נוּ וְיָצָ֥אנוּ אֵלֶֽיךָ

and to say · to him · old of · Jabesh · relax · to/for us · seven · days · and to send · messengers · in/at all of · border of · Israel · and if · nothing · saving · - us · and to go out · to you

וַיָּבֹ֤אוּ הַמַּלְאָכִים֙ גִּבְעַ֣ת שָׁא֔וּל וַיְדַבְּר֥וּ הַדְּבָרִ֖ים בְּאָזְנֵ֣י הָעָ֑ם וַיִּשְׂא֧וּ כָל הָעָ֛ם אֶת קוֹלָ֖ם וַיִּבְכּֽוּ

and to enter · the messengers · Gibeah · Saul · and to speak · the words · in/at ears of · the people · and to lift · all of · the people · - · voice their · and to weep

וְהִנֵּ֣ה שָׁא֗וּל בָּ֣א אַחֲרֵ֤י הַבָּקָר֙ מִן הַשָּׂדֶ֔ה וַיֹּ֣אמֶר שָׁא֔וּל מַה לָּעָ֖ם כִּ֣י יִבְכּ֑וּ וַיְסַ֨פְּרוּ ל֔וֹ אֶת דִּבְרֵ֖י אַנְשֵׁ֥י יָבֵֽישׁ

and behold · Saul · entering · after · the cattle · from · the field · and to say · Saul · what · to/for the people · that · to weep · and to count · to/for him · - · words of · men of · Jabesh

וַתִּצְלַ֤ח רֽוּחַ אֱלֹהִים֙ עַל שָׁא֔וּל בשמעו כְּשָׁמְע֖וֹ אֶת הַדְּבָרִ֣ים הָאֵ֑לֶּה וַיִּ֥חַר אַפּ֖וֹ מְאֹֽד

and to prosper · spirit of · God(s) · upon · Saul · in/at to hear him · like/as to hear him · - · the words · the these · and to be angry · nose his · exceedingly

וַיִּקַּח֩ צֶ֨מֶד בָּקָ֜ר וַֽיְנַתְּחֵ֗הוּ וַיְשַׁלַּ֞ח בְּכָל גְּב֣וּל יִשְׂרָאֵל֮ בְּיַ֣ד הַמַּלְאָכִ֣ים לֵאמֹר֒ אֲשֶׁר֩ אֵינֶ֨נּוּ יֹצֵ֜א אַחֲרֵ֤י שָׁאוּל֙ וְאַחַ֣ר שְׁמוּאֵ֔ל כֹּ֥ה יֵעָשֶׂ֖ה לִבְקָר֑וֹ וַיִּפֹּ֤ל פַּֽחַד יְהוָה֙ עַל הָעָ֔ם וַיֵּצְא֖וּ כְּאִ֥ישׁ אֶחָֽד

and to take · yoke of · cattle · and to cut him · and to send · in/at all of · border of · Israel · in/at hand of · the messengers · to say · which · nothing him · going out · after · Saul · and after · Samuel · thus · to do · to/for cattle his · and to fall · terror of · LORD · upon · the people · and to go out · like/as man · one

וַֽיִּפְקְדֵ֖ם בְּבָ֑זֶק וַיִּהְי֤וּ בְנֵֽי יִשְׂרָאֵל֙ שְׁלֹ֣שׁ מֵא֣וֹת אֶ֔לֶף וְאִ֥ישׁ יְהוּדָ֖ה שְׁלֹשִׁ֥ים אָֽלֶף

and to visit them · in/at Bezek · and to be · sons of · Israel · three · hundred · thousand · and man of · Judah · thirty · thousand

וַיֹּאמְר֞וּ לַמַּלְאָכִ֣ים הַבָּאִ֗ים כֹּ֤ה תֹֽאמְרוּן֙ לְאִישׁ֙ יָבֵ֣ישׁ גִּלְעָ֔ד מָחָ֛ר תִּהְיֶֽה לָכֶ֥ם תְּשׁוּעָ֖ה בחם כְּחֹ֣ם הַשָּׁ֑מֶשׁ וַיָּבֹ֣אוּ הַמַּלְאָכִ֗ים וַיַּגִּ֛ידוּ לְאַנְשֵׁ֥י יָבֵ֖ישׁ וַיִּשְׂמָֽחוּ

and to say · to/for the messengers · the entering · thus · to say · to/for man of · Jabesh · Gilead · tomorrow · to be · to/for you · salvation · in/at heat of · like/as heat of · the sun · and to enter · the messengers · and to make known · to/for men of · Jabesh · and to rejoice

וַֽיֹּאמְרוּ֙ אַנְשֵׁ֣י יָבֵ֔ישׁ מָחָ֖ר נֵצֵ֣א אֲלֵיכֶ֑ם וַעֲשִׂיתֶ֣ם לָּ֔נוּ כְּכָל הַטּ֖וֹב בְּעֵינֵיכֶֽם

and to say · men of · Jabesh · tomorrow · to go out · to you · and to do · to/for us · like/as all of · the good · in/at eyes your

וַיְהִ֣י מִֽמָּחֳרָ֗ת וַיָּ֨שֶׂם שָׁא֣וּל אֶת הָעָם֮ שְׁלֹשָׁ֣ה רָאשִׁים֒ וַיָּבֹ֤אוּ בְתוֹךְ הַֽמַּחֲנֶה֙ בְּאַשְׁמֹ֣רֶת הַבֹּ֔קֶר וַיַּכּ֥וּ אֶת עַמּ֖וֹן עַד חֹ֣ם הַיּ֑וֹם וַיְהִ֤י הַנִּשְׁאָרִים֙ וַיָּפֻ֔צוּ וְלֹ֥א נִשְׁאֲרוּ בָ֖ם שְׁנַ֥יִם יָֽחַד

and to be · from morrow · and to put · Saul · - · the people · three · heads · and to enter · in/at midst of · the camp · in/at watch of · the morning · and to strike · - · Ammon · until · heat of · the day · and to be · the remaining · and to scatter · and not · to remain · in/at them · two · together

וַיֹּ֤אמֶר הָעָם֙ אֶל שְׁמוּאֵ֔ל מִ֣י הָאֹמֵ֔ר שָׁא֖וּל יִמְלֹ֣ךְ עָלֵ֑ינוּ תְּנ֥וּ הָאֲנָשִׁ֖ים וּנְמִיתֵֽם

and to say · the people · to · Samuel · who · the saying · Saul · to reign · upon us · give · the men · and to die them

וַיֹּ֣אמֶר שָׁא֔וּל לֹֽא יוּמַ֥ת אִ֖ישׁ בַּיּ֣וֹם הַזֶּ֑ה כִּ֥י הַיּ֛וֹם עָשָֽׂה יְהוָ֥ה תְּשׁוּעָ֖ה בְּיִשְׂרָאֵֽל

and to say · Saul · not · to die · man · in/at the day · the this · that · the day · to do · LORD · salvation · in/at Israel

וַיֹּ֤אמֶר שְׁמוּאֵל֙ אֶל הָעָ֔ם לְכ֖וּ וְנֵלְכָ֣ה הַגִּלְגָּ֑ל וּנְחַדֵּ֥שׁ שָׁ֖ם הַמְּלוּכָֽה

and to say · Samuel · to · the people · walk · and to walk · the Gilgal · and to renew · there · the kingship

וַיֵּלְכ֨וּ כָל הָעָ֜ם הַגִּלְגָּ֗ל וַיַּמְלִכוּ֩ שָׁ֨ם אֶת שָׁא֜וּל לִפְנֵ֤י יְהוָה֙ בַּגִּלְגָּ֔ל וַיִּזְבְּחוּ שָׁ֛ם זְבָחִ֥ים שְׁלָמִ֖ים לִפְנֵ֣י יְהוָ֑ה וַיִּשְׂמַ֨ח שָׁ֥ם שָׁא֛וּל וְכָל אַנְשֵׁ֥י יִשְׂרָאֵ֖ל עַד מְאֹֽד

and to walk · all of · the people · the Gilgal · and to reign · there · - · Saul · to/for face(s) of · LORD · in/at the Gilgal · and to sacrifice · there · sacrifices · peace offerings · to/for face(s) of · LORD · and to rejoice · there · Saul · and all of · men of · Israel · until · exceedingly