Judges 12

וַיִּצָּעֵק֙ אִ֣ישׁ אֶפְרַ֔יִם וַֽיַּעֲבֹ֖ר צָפ֑וֹנָה וַיֹּאמְר֨וּ לְיִפְתָּ֜ח מַדּ֣וּעַ עָבַ֣רְתָּ לְהִלָּחֵ֣ם בִּבְנֵי עַמּ֗וֹן וְלָ֨נוּ֙ לֹ֤א קָרָ֨אתָ֙ לָלֶ֣כֶת עִמָּ֔ךְ בֵּיתְךָ֕ נִשְׂרֹ֥ף עָלֶ֖יךָ בָּאֵֽשׁ

and to cry out · man of · Ephraim · and to pass over · north toward · and to say · to/for Jephthah · why · to pass over · to fight · in/at sons of · Ammon · and to/for us · not · to call · to walk · with you · house your · to burn · upon you · in/at the fire

וַיֹּ֤אמֶר יִפְתָּח֙ אֲלֵיהֶ֔ם אִ֣ישׁ רִ֗יב הָיִ֛יתִי אֲנִ֛י וְעַמִּ֥י וּבְנֵֽי עַמּ֖וֹן מְאֹ֑ד וָאֶזְעַ֣ק אֶתְכֶ֔ם וְלֹֽא הוֹשַׁעְתֶּ֥ם אוֹתִ֖י מִיָּדָֽם

and to say · Jephthah · to them · man of · strife · to be · I · and people my · and sons of · Ammon · exceedingly · and to cry out · - you · and not · to save · - me · from hand their

וָֽאֶרְאֶ֞ה כִּֽי אֵינְךָ֣ מוֹשִׁ֗יע וָאָשִׂ֨ימָה נַפְשִׁ֤י בְכַפִּי֙ וָֽאֶעְבְּרָה֙ אֶל בְּנֵ֣י עַמּ֔וֹן וַיִּתְּנֵ֥ם יְהוָ֖ה בְּיָדִ֑י וְלָמָ֞ה עֲלִיתֶ֥ם אֵלַ֛י הַיּ֥וֹם הַזֶּ֖ה לְהִלָּ֥חֶם בִּֽי

and to see · that · nothing you · saving · and to put · soul my · in/at palm my · and to pass over · to · sons of · Ammon · and to give them · LORD · in/at hand my · and to/for what · to go up · to me · the day · the this · to fight · in/at me

וַיִּקְבֹּ֤ץ יִפְתָּח֙ אֶת כָּל אַנְשֵׁ֣י גִלְעָ֔ד וַיִּלָּ֖חֶם אֶת אֶפְרָ֑יִם וַיַּכּוּ֩ אַנְשֵׁ֨י גִלְעָ֜ד אֶת אֶפְרַ֗יִם כִּ֤י אָמְרוּ֙ פְּלִיטֵ֤י אֶפְרַ֨יִם֙ אַתֶּ֔ם גִּלְעָ֕ד בְּת֥וֹךְ אֶפְרַ֖יִם בְּת֥וֹךְ מְנַשֶּֽׁה

and to gather · Jephthah · - · all of · men of · Gilead · and to fight · with · Ephraim · and to strike · men of · Gilead · - · Ephraim · that · to say · fugitives of · Ephraim · you · Gilead · in/at midst of · Ephraim · in/at midst of · Manasseh

וַיִּלְכֹּ֥ד גִּלְעָ֛ד אֶֽת מַעְבְּר֥וֹת הַיַּרְדֵּ֖ן לְאֶפְרָ֑יִם וְֽ֠הָיָה כִּ֣י יֹאמְר֞וּ פְּלִיטֵ֤י אֶפְרַ֨יִם֙ אֶעֱבֹ֔רָה וַיֹּ֨אמְרוּ ל֧וֹ אַנְשֵֽׁי גִלְעָ֛ד הַֽאֶפְרָתִ֥י אַ֖תָּה וַיֹּ֥אמֶֽר לֹֽא

and to capture · Gilead · - · fords of · the Jordan · to/for Ephraim · and to be · that · to say · fugitives of · Ephraim · to pass over · and to say · to/for him · men of · Gilead · the Ephrathite · you · and to say · not

וַיֹּ֣אמְרוּ לוֹ֩ אֱמָר נָ֨א שִׁבֹּ֜לֶת וַיֹּ֣אמֶר סִבֹּ֗לֶת וְלֹ֤א יָכִין֙ לְדַבֵּ֣ר כֵּ֔ן וַיֹּאחֲז֣וּ אוֹת֔וֹ וַיִּשְׁחָט֖וּהוּ אֶל מַעְבְּר֣וֹת הַיַּרְדֵּ֑ן וַיִּפֹּ֞ל בָּעֵ֤ת הַהִיא֙ מֵֽאֶפְרַ֔יִם אַרְבָּעִ֥ים וּשְׁנַ֖יִם אָֽלֶף

and to say · to/for him · say · please · ear of grain · and to say · ear of grain · and not · to be established · to speak · thus · and to grasp · - him · and to slaughter him · to · fords of · the Jordan · and to fall · in/at the time · the he · from Ephraim · forty · and two · thousand

וַיִּשְׁפֹּ֥ט יִפְתָּ֛ח אֶת יִשְׂרָאֵ֖ל שֵׁ֣שׁ שָׁנִ֑ים וַיָּ֗מָת יִפְתָּח֙ הַגִּלְעָדִ֔י וַיִּקָּבֵ֖ר בְּעָרֵ֥י גִלְעָֽד

and to judge · Jephthah · - · Israel · six · years · and to die · Jephthah · the Gileadite · and to bury · in/at cities of · Gilead

וַיִּשְׁפֹּ֤ט אַֽחֲרָיו֙ אֶת יִשְׂרָאֵ֔ל אִבְצָ֖ן מִבֵּ֥ית לָֽחֶם

and to judge · after him · - · Israel · Ibzan · from Bethlehem · Bethlehem

וַיְהִי ל֞וֹ שְׁלֹשִׁ֣ים בָּנִ֗ים וּשְׁלֹשִׁ֤ים בָּנוֹת֙ שִׁלַּ֣ח הַח֔וּצָה וּשְׁלֹשִׁ֣ים בָּנ֔וֹת הֵבִ֥יא לְבָנָ֖יו מִן הַח֑וּץ וַיִּשְׁפֹּ֥ט אֶת יִשְׂרָאֵ֖ל שֶׁ֥בַע שָׁנִֽים

and to be · to/for him · thirty · sons · and thirty · daughters · to send · the outside toward · and thirty · daughters · to enter · to/for sons his · from · the outside · and to judge · - · Israel · seven · years

וַיָּ֣מָת אִבְצָ֔ן וַיִּקָּבֵ֖ר בְּבֵ֥ית לָֽחֶם

and to die · Ibzan · and to bury · in/at Bethlehem · Bethlehem

וַיִּשְׁפֹּ֤ט אַֽחֲרָיו֙ אֶת יִשְׂרָאֵ֔ל אֵיל֖וֹן הַזְּבֽוּלֹנִ֑י וַיִּשְׁפֹּ֥ט אֶת יִשְׂרָאֵ֖ל עֶ֥שֶׂר שָׁנִֽים

and to judge · after him · - · Israel · Elon · the Zebulonite · and to judge · - · Israel · ten · years

וַיָּ֖מָת אֵל֣וֹן הַזְּבֽוּלֹנִ֑י וַיִּקָּבֵ֥ר בְּאַיָּל֖וֹן בְּאֶ֥רֶץ זְבוּלֻֽן

and to die · Elon · the Zebulonite · and to bury · in/at Ajalon · in/at land of · Zebulun

וַיִּשְׁפֹּ֥ט אַחֲרָ֖יו אֶת יִשְׂרָאֵ֑ל עַבְדּ֥וֹן בֶּן הִלֵּ֖ל הַפִּרְעָתוֹנִֽי

and to judge · after him · - · Israel · Abdon · son of · Hillel · the Pirathonite

וַיְהִי ל֞וֹ אַרְבָּעִ֣ים בָּנִ֗ים וּשְׁלֹשִׁים֙ בְּנֵ֣י בָנִ֔ים רֹכְבִ֖ים עַל שִׁבְעִ֣ים עֲיָרִ֑ם וַיִּשְׁפֹּ֥ט אֶת יִשְׂרָאֵ֖ל שְׁמֹנֶ֥ה שָׁנִֽים

and to be · to/for him · forty · sons · and thirty · sons of · sons · riding · upon · seventy · donkeys · and to judge · - · Israel · eight · years

וַיָּ֛מָת עַבְדּ֥וֹן בֶּן הִלֵּ֖ל הַפִּרְעָתוֹנִ֑י וַיִּקָּבֵ֤ר בְּפִרְעָתוֹן֙ בְּאֶ֣רֶץ אֶפְרַ֔יִם בְּהַ֖ר הָעֲמָלֵקִֽי

and to die · Abdon · son of · Hillel · the Pirathonite · and to bury · in/at Pirathon · in/at land of · Ephraim · in/at mountain of · the Amalekite