Jeremiah 24

הִרְאַנִי֮ יְהוָה֒ וְהִנֵּ֗ה שְׁנֵי֙ דּוּדָאֵ֣י תְאֵנִ֔ים מוּעָדִ֕ים לִפְנֵ֖י הֵיכַ֣ל יְהוָ֑ה אַחֲרֵ֣י הַגְל֣וֹת נְבוּכַדְרֶאצַּ֣ר מֶֽלֶךְ בָּבֶ֡ל אֶת יְכָנְיָ֣הוּ בֶן יְהוֹיָקִ֣ים מֶֽלֶךְ יְהוּדָה֩ וְאֶת שָׂרֵ֨י יְהוּדָ֜ה וְאֶת הֶחָרָ֤שׁ וְאֶת הַמַּסְגֵּר֙ מִיר֣וּשָׁלִַ֔ם וַיְבִאֵ֖ם בָּבֶֽל

to see me · LORD · and behold · two · mandrakes of · figs · appointed · to/for face(s) of · temple of · LORD · after · to uncover · Nebuchadnezzar · king of · Babylon · - · Jeconiah · son of · Jehoiakim · king of · Judah · and - · princes of · Judah · and - · the craftsman · and - · the enclosure · from Jerusalem · and to enter them · Babylon

הַדּ֣וּד אֶחָ֗ד תְּאֵנִים֙ טֹב֣וֹת מְאֹ֔ד כִּתְאֵנֵ֖י הַבַּכֻּר֑וֹת וְהַדּ֣וּד אֶחָ֗ד תְּאֵנִים֙ רָע֣וֹת מְאֹ֔ד אֲשֶׁ֥ר לֹא תֵֽאָכַ֖לְנָה מֵרֹֽעַ

the pot · one · figs · good · exceedingly · like/as figs of · the early figs · and the pot · one · figs · evil · exceedingly · which · not · to eat · from badness

וַיֹּ֨אמֶר יְהוָ֜ה אֵלַ֗י מָֽה אַתָּ֤ה רֹאֶה֙ יִרְמְיָ֔הוּ וָאֹמַ֖ר תְּאֵנִ֑ים הַתְּאֵנִ֤ים הַטֹּבוֹת֙ טֹב֣וֹת מְאֹ֔ד וְהָֽרָעוֹת֙ רָע֣וֹת מְאֹ֔ד אֲשֶׁ֥ר לֹא תֵאָכַ֖לְנָה מֵרֹֽעַ

and to say · LORD · to me · what · you · seeing · Jeremiah · and to say · figs · the figs · the good · good · exceedingly · and the evil · evil · exceedingly · which · not · to eat · from badness

וַיְהִ֥י דְבַר יְהוָ֖ה אֵלַ֥י לֵאמֹֽר

and to be · word of · LORD · to me · to say

כֹּֽה אָמַ֤ר יְהוָה֙ אֱלֹהֵ֣י יִשְׂרָאֵ֔ל כַּתְּאֵנִ֥ים הַטֹּב֖וֹת הָאֵ֑לֶּה כֵּֽן אַכִּ֞יר אֶת גָּל֣וּת יְהוּדָ֗ה אֲשֶׁ֨ר שִׁלַּ֜חְתִּי מִן הַמָּק֥וֹם הַזֶּ֛ה אֶ֥רֶץ כַּשְׂדִּ֖ים לְטוֹבָֽה

thus · to say · LORD · God(s) of · Israel · like/as the figs · the good · the these · thus · to know · - · exile of · Judah · which · to send · from · the place · the this · land of · Chaldea · to/for good

וְשַׂמְתִּ֨י עֵינִ֤י עֲלֵיהֶם֙ לְטוֹבָ֔ה וַהֲשִׁבֹתִ֖ים עַל הָאָ֣רֶץ הַזֹּ֑את וּבְנִיתִים֙ וְלֹ֣א אֶהֱרֹ֔ס וּנְטַעְתִּ֖ים וְלֹ֥א אֶתּֽוֹשׁ

and to put · eye my · upon them · to/for good · and to return them · upon · the land · the this · and to build them · and not · to tear down · and to plant them · and not · to uproot

וְנָתַתִּי֩ לָהֶ֨ם לֵ֜ב לָדַ֣עַת אֹתִ֗י כִּ֚י אֲנִ֣י יְהוָ֔ה וְהָיוּ לִ֣י לְעָ֔ם וְאָ֣נֹכִ֔י אֶהְיֶ֥ה לָהֶ֖ם לֵאלֹהִ֑ים כִּֽי יָשֻׁ֥בוּ אֵלַ֖י בְּכָל לִבָּֽם

and to give · to/for them · heart · to know · - me · that · I · LORD · and to be · to/for me · to/for people · and I · to be · to/for them · to/for God(s) · that · to return · to me · in/at all of · heart their

וְכַתְּאֵנִים֙ הָֽרָע֔וֹת אֲשֶׁ֥ר לֹא תֵאָכַ֖לְנָה מֵרֹ֑עַ כִּי כֹ֣ה אָמַ֣ר יְהוָ֗ה כֵּ֣ן אֶ֠תֵּן אֶת צִדְקִיָּ֨הוּ מֶֽלֶךְ יְהוּדָ֤ה וְאֶת שָׂרָיו֙ וְאֵ֣ת שְׁאֵרִ֣ית יְרוּשָׁלִַ֗ם הַנִּשְׁאָרִים֙ בָּאָ֣רֶץ הַזֹּ֔את וְהַיֹּשְׁבִ֖ים בְּאֶ֥רֶץ מִצְרָֽיִם

and like/as the figs · the evil · which · not · to eat · from badness · that · thus · to say · LORD · thus · to give · - · Zedekiah · king of · Judah · and - · princes his · and - · remnant of · Jerusalem · the remaining · in/at the land · the this · and the dwelling · in/at land of · Egypt

וּנְתַתִּים֙ לזועה לְזַעֲוָ֣ה לְרָעָ֔ה לְכֹ֖ל מַמְלְכ֣וֹת הָאָ֑רֶץ לְחֶרְפָּ֤ה וּלְמָשָׁל֙ לִשְׁנִינָ֣ה וְלִקְלָלָ֔ה בְּכָל הַמְּקֹמ֖וֹת אֲשֶֽׁר אַדִּיחֵ֥ם שָֽׁם

and to give them · to/for terror · to/for terror · to/for evil · to/for all of · kingdoms of · the land · to/for reproach · and to/for proverb · to/for taunt · and to/for curse · in/at all of · the places · which · to thrust them · there

וְשִׁלַּ֣חְתִּי בָ֔ם אֶת הַחֶ֖רֶב אֶת הָרָעָ֣ב וְאֶת הַדָּ֑בֶר עַד תֻּמָּם֙ מֵעַ֣ל הָאֲדָמָ֔ה אֲשֶׁר נָתַ֥תִּי לָהֶ֖ם וְלַאֲבוֹתֵיהֶֽם

and to send · in/at them · - · the sword · - · the famine · and - · the pestilence · until · to be complete them · from upon · the ground · which · to give · to/for them · and to/for fathers their